BDU-da elmi-praktik konfrans keçirilib
Azərbaycan
Mətbuat Şurasının (MŞ) dəstəyi ilə bu gün Bakı Dövlət Universitetinin (BDU) Jurnalistika
fakültəsində "Azərbaycan jurnalistikasının inkişaf xüsusiyyətləri milli tarix
və təcrübə kontekstində” adlı elmi-praktik konfrans keçirilib. Konfransı Jurnalistika
fakültəsinin dekanı professor Şamil Vəliyev açaraq, "Ceyhun Hacıbəylinin 125
illik yubileyinin keçirilməsi haqqında” Azərbaycan Prezidenti İlham Əliyevin 19
noyabr 2015-ci il tarixli Sərəncamnı xatırladıb. Deyib ki, bu sərəncama
əsaslanaraq çağdaş jurnalistika sahəsində prioritet məsələləri üzə çıxarmaq,
aparılan elmi-tədqiqat işlərini müasir elmin tələblərinə uyğun yönəltmək, əldə
olunan elmi nəticələri müzakirə etmək üçün 10 may 2016-cı il tarixdə BDU-nun rektoru,
akademik Abel Məhərrəmov əmr imzalayıb. O, sözügedən konfransın da məhz bu
sərəncam və əmr əsasında təşkil olunduğunu vurğulayıb.
Professor Ş.Vəliyev giriş məzmunlu qısa çıxışdan sonra tədbirin moderatorluğunu fakültənin elmi işlər üzrə dekan müavini, dosent Sevinc Əliyevaya tapşırıb. Dosent S.Əliyeva tədbirin yüksək səviyyədə keçirilməsində fakültəyə daim dəstək olan BDU rəhbərliyinə, eyni zamanda MŞ-na dərin minnətdarlığını çatdırıb.
Konfransda MŞ-nın sədri, millət vəkili Əflatun Amaşov, Respublika Arxiv İdarəsində Ədəbiyyat və incəsənət arxivinin şöbə müdiri Aslan Kənan, Mətbuat tarixi kafedrasının professoru Nəsiman Yaqublu, millət vəkili Aqil Abbas, Jurnalistikanın nəzəriyyəsi və təcrübəsi kafedrasının müdiri, professor Cahangir Məmmədli çıxış edərək, tədbirin mövzusu barədə öz fikir və düşüncələrini çatdırıblar.
Konfransda Ceyhun Hacıbəyli haqqında tələbələrin hazırladığı kiçik həcmli film də nümayiş etdirilib.
Tədbirin sonunda MŞ-nın sədri, deputat Ə.Amaşovun şəxsi təşəbbüsü ilə dosent Könül Niftəliyevanın baş redaktoru olduğu "Jurnalist” qəzetinin növbəti nömrəsinin çapdan çıxması ilə əlaqədar mətbu orqanın ərsəyə gəlməsində xidmətləri olan tələbələrə qonorar verilib və xatirə şəkli çəkdirilib.
Professor Ş.Vəliyev giriş məzmunlu qısa çıxışdan sonra tədbirin moderatorluğunu fakültənin elmi işlər üzrə dekan müavini, dosent Sevinc Əliyevaya tapşırıb. Dosent S.Əliyeva tədbirin yüksək səviyyədə keçirilməsində fakültəyə daim dəstək olan BDU rəhbərliyinə, eyni zamanda MŞ-na dərin minnətdarlığını çatdırıb.
Konfransda MŞ-nın sədri, millət vəkili Əflatun Amaşov, Respublika Arxiv İdarəsində Ədəbiyyat və incəsənət arxivinin şöbə müdiri Aslan Kənan, Mətbuat tarixi kafedrasının professoru Nəsiman Yaqublu, millət vəkili Aqil Abbas, Jurnalistikanın nəzəriyyəsi və təcrübəsi kafedrasının müdiri, professor Cahangir Məmmədli çıxış edərək, tədbirin mövzusu barədə öz fikir və düşüncələrini çatdırıblar.
Konfransda Ceyhun Hacıbəyli haqqında tələbələrin hazırladığı kiçik həcmli film də nümayiş etdirilib.
Tədbirin sonunda MŞ-nın sədri, deputat Ə.Amaşovun şəxsi təşəbbüsü ilə dosent Könül Niftəliyevanın baş redaktoru olduğu "Jurnalist” qəzetinin növbəti nömrəsinin çapdan çıxması ilə əlaqədar mətbu orqanın ərsəyə gəlməsində xidmətləri olan tələbələrə qonorar verilib və xatirə şəkli çəkdirilib.