Bakı 20°C
Almaniya qəzetində Xocalı soyqırımından bəhs edən məqalə dərc olunub
Almaniyanın "Südthüringer Zeitung” qəzetində Xocalı soyqırımından bəhs edən "Parlament axşamında Xocalı faciəsinin nəticələri müzakirə edilir” başlıqlı məqalə dərc olunub. Tarixçi-jurnalist, Şərqi Avropa üzrə mütəxəssis Urs Unknauf tərəfindən yazılmış məqalədə münaqişənin tarixinə toxunulur, Azərbaycan ərazisinin 20 faizinin Ermənistan tərəfindən işğal olunduğu, 1992-ci ilin 26 fevralında Xocalı şəhərində azərbaycanlı əhaliyə qarşı amansız qətliam törədildiyi və bunun bir sıra nüfuzlu beynəlxalq mütəxəssislər tərəfindən azərbaycanlılara qarşı soyqırımı və insanlığa qarşı cinayət kimi qiymətləndirildiyi vurğulanır.
AZƏRTACxəbər verir ki, məqalədə Xocalı qətliamının təfərrüatları barədə məlumat verilir, 613 azərbaycanlı, o cümlədən 106 qadın, 63 uşaq və 70 yaşlı insanın qətlə yetirildiyi, 8 ailənin tamamilə öldürüldüyü, 25 uşağın hər iki valideynini və 130 uşağın bir valideynini itirdiyi, 487 insanın əlil edildiyi, 1275 mülki şəxsin erməni qüvvələri tərəfindən əsir götürüldüyü və işgəncələrə məruz qaldığı, 150 insanın indiyədək itkin olduğu bildirilir. Qeyd edilir ki, 28 fevralda azərbaycanlı jurnalistlər və 1 martda beynəlxalq jurnalistlər hadisə yerində olmuş, öldürülmüş azərbaycanlıların cəsədlərinin təhqir edilməsinin şahidi olmuşlar. Əlavə edilir ki, dünyada 10 dövlət, ABŞ-ın 20-dən çox ştatı, 51 üzvü olan İslam Əməkdaşlıq Təşkilatı Xocalı faciəsini soyqırımı olaraq tanıyıb.
Məqalədə, həmçinin Berlində Xocalı soyqırımının 28-ci ildönümü münasibətilə keçirilmiş tədbirin iştirakçıları və orada edilən çıxışlar barədə məlumat verilir. Bundestaqın vitse-prezidenti Tomas Oppermanın çıxışında mövzunun aktuallığını diqqətə çatdırdığı vurğulanır. Bildirilir ki, tədbirdə Bundestaqın deputatları, Xarici işlər komitəsinin üzvü Nikolas Löbel, Xarici işlər komitəsinin sədr müavini və Almaniyanın ATƏT Parlament Assambleyasındakı nümayəndə heyətinin üzvü Daniela De Ridder, Almaniya-Cənubi Qafqaz parlament qrupunun üzvü Eberhard Qinqer, eləcə də Boxum Universitetinin beynəlxalq hüquq üzrə professoru Hans-Yoaxim Hayntse və Almaniya Xarici İşlər Nazirliyinin təmsilçisinin iştirakı ilə Ermənistan-Azərbaycan münasibətlərinin müxtəlif aspektləri müzakirə olunub, BMT-nin Təhlükəsizlik Şurasının aidiyyəti qətnamələrində Azərbaycanın ərazi bütövlüyünün dəstəkləndiyi qeyd edilib, hazırkı status kvonun qəbuledilməz və beynəlxalq hüquqa zidd olduğu vurğulanıb və münaqişənin ATƏT-in Minsk qrupu çərçivəsində sülh yolu ilə həllinə çağırış edilib. Tədbirdə, eyni zamanda, Azərbaycanın Almaniya və Avropa üçün etibarlı tərəfdaş və regionda sabitlik lövbəri olmasının qeyd edildiyi diqqətə çatdırılır.
Müəllif Almaniyanın bu münaqişəyə dair mövqeyinin beynəlxalq hüquqa və İnsan Hüquqları Haqqında Ümumi Bəyannaməyə söykəndiyini qeyd edir. O, Azərbaycan torpaqlarının Ermənistan tərəfindən indiyədək davam edən, beynəlxalq hüquqa zidd işğalına son qoyulmasının, Xankəndi, Şuşa, Xocalı və digər ərazilərdən qovulmuş azərbaycanlıların geri qayıtmasına imkan yaradılmasının, 1992-ci ildə azərbaycanlılara qarşı törədilmiş soyqırımın Almaniyada da rəsmi olaraq tanınmasının əhəmiyyətini vurğulayır.
AZƏRTACxəbər verir ki, məqalədə Xocalı qətliamının təfərrüatları barədə məlumat verilir, 613 azərbaycanlı, o cümlədən 106 qadın, 63 uşaq və 70 yaşlı insanın qətlə yetirildiyi, 8 ailənin tamamilə öldürüldüyü, 25 uşağın hər iki valideynini və 130 uşağın bir valideynini itirdiyi, 487 insanın əlil edildiyi, 1275 mülki şəxsin erməni qüvvələri tərəfindən əsir götürüldüyü və işgəncələrə məruz qaldığı, 150 insanın indiyədək itkin olduğu bildirilir. Qeyd edilir ki, 28 fevralda azərbaycanlı jurnalistlər və 1 martda beynəlxalq jurnalistlər hadisə yerində olmuş, öldürülmüş azərbaycanlıların cəsədlərinin təhqir edilməsinin şahidi olmuşlar. Əlavə edilir ki, dünyada 10 dövlət, ABŞ-ın 20-dən çox ştatı, 51 üzvü olan İslam Əməkdaşlıq Təşkilatı Xocalı faciəsini soyqırımı olaraq tanıyıb.
Məqalədə, həmçinin Berlində Xocalı soyqırımının 28-ci ildönümü münasibətilə keçirilmiş tədbirin iştirakçıları və orada edilən çıxışlar barədə məlumat verilir. Bundestaqın vitse-prezidenti Tomas Oppermanın çıxışında mövzunun aktuallığını diqqətə çatdırdığı vurğulanır. Bildirilir ki, tədbirdə Bundestaqın deputatları, Xarici işlər komitəsinin üzvü Nikolas Löbel, Xarici işlər komitəsinin sədr müavini və Almaniyanın ATƏT Parlament Assambleyasındakı nümayəndə heyətinin üzvü Daniela De Ridder, Almaniya-Cənubi Qafqaz parlament qrupunun üzvü Eberhard Qinqer, eləcə də Boxum Universitetinin beynəlxalq hüquq üzrə professoru Hans-Yoaxim Hayntse və Almaniya Xarici İşlər Nazirliyinin təmsilçisinin iştirakı ilə Ermənistan-Azərbaycan münasibətlərinin müxtəlif aspektləri müzakirə olunub, BMT-nin Təhlükəsizlik Şurasının aidiyyəti qətnamələrində Azərbaycanın ərazi bütövlüyünün dəstəkləndiyi qeyd edilib, hazırkı status kvonun qəbuledilməz və beynəlxalq hüquqa zidd olduğu vurğulanıb və münaqişənin ATƏT-in Minsk qrupu çərçivəsində sülh yolu ilə həllinə çağırış edilib. Tədbirdə, eyni zamanda, Azərbaycanın Almaniya və Avropa üçün etibarlı tərəfdaş və regionda sabitlik lövbəri olmasının qeyd edildiyi diqqətə çatdırılır.
Müəllif Almaniyanın bu münaqişəyə dair mövqeyinin beynəlxalq hüquqa və İnsan Hüquqları Haqqında Ümumi Bəyannaməyə söykəndiyini qeyd edir. O, Azərbaycan torpaqlarının Ermənistan tərəfindən indiyədək davam edən, beynəlxalq hüquqa zidd işğalına son qoyulmasının, Xankəndi, Şuşa, Xocalı və digər ərazilərdən qovulmuş azərbaycanlıların geri qayıtmasına imkan yaradılmasının, 1992-ci ildə azərbaycanlılara qarşı törədilmiş soyqırımın Almaniyada da rəsmi olaraq tanınmasının əhəmiyyətini vurğulayır.
