Bakı 22°C
15 ildə Azərbaycanda 2 milyona yaxın yeni iş yeri yaradılıb
Son 15 ildə Azərbaycanda 2 milyona yaxın yeni iş yeri yaradılıb.
AZƏRTACxəbər verir ki, bu barədə Azərbaycan Respublikası Baş nazirinin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri Əli Həsənov "BMT-nin Yaxın və Orta Şərqdə narkotiklərin qanunsuz dövriyyəsi və aidiyyəti məsələlər üzrə alt-komissiyasının 53-cü sessiyasında deyib.
O bildirib ki, son 15 ildə Azərbaycan iqtisadiyyatının ümumi daxili məhsulu üç dəfədən çox artıb. Ölkə iqtisadiyyatına son 15 il ərzində 250 milyard dollardan çox sərmayə qoyulub, yoxsulluq səviyyəsi 49 faizdən 5,4 faizə düşüb. Təkcə 2003-2018-ci illərdə regional inkişaf proqramları çərçivəsində Azərbaycanda 1,9 milyon yeni iş yeri yaradılıb və işsizlik 5 faiz səviyyəsindədir.
