“Kiçik Akademiya”lar yaradıcılıq laboratoriyası kimi
"Bu sahədə aparılan bütün
işlər hərtərəfli inkişaf etmiş şagirdlərin
yetişdirilməsində və onların əsl
vətəndaş kimi formalaşmasında böyük əhəmiyyət daşıyır”
Bakı şəhərinin ümumi təhsil müəssisələrindəki "Kiçik Akademiya”ların fəaliyyəti genişləndirilir.
Hazırda paytaxtın 285 ümumi təhsil müəssisəsində "Kiçik Akademiya”lar fəaliyyət göstərir. 22 məktəbdə isə "Kiçik Akademiya”ların yaradılması ilə bağlı hazırlıq işləri görülür. "Kiçik Akademiya”ya rəhbərlik edən müəllimlər üçün də təlimlər keçirilir. Orta məktəblərdə "Kiçik Akademiya”ların təşkilində əsas məqsəd, yuxarı sinif şagirdlərinin elmi və yaradıcı axtarışlara sövq edilməsinə, onların müasir tədqiqat metodlarına yiyələnməsi nə nail olmaqdır. "Kiçik Akademiya”ların fəaliyyətinin gücləndirilməsi, əhatə dairəsinin genişləndirilməsi, şagirdlərdə akademiyalara marağın artırılması, rəhbərlərin düzgün təlimatlandırılması qarşıya qoyulan əsas hədəflərdən hesab edilir. "Kiçik Akademiya”ların, elmi-tədqiqat fəaliyyətinə meyli olan istedadlı şagirdlərin vaxtında aşkara çıxarılmasında və onların fəaliyyətinin stimullaşdırılmasında müsbət rolu olduğu bildirilir. Belə ki, orta məktəblərdə fəaliyyət göstərən "Kiçik Akademiya”lar bütün mövcud imkanlardan istifadə edərək, şagirdləri yüksək səviyyədə maariflənməyə və təhsil almağa çağırır.
Bəs "Kiçik Akademiyalar”ın yaradılmasında üçün hansı kriteriyalar əsas götürülür?
Bakı şəhəri üzrə Təhsil İdarəsinin İnkişaf Layihələri sektorunun müdiri Arzu Tairquliyeva-Nağıyeva "Kaspi”yə müsahibəsində bu istiqamətdə görülən işlərdən danışıb.
Təranə Məhərrəmova
Bakı şəhərinin ümumi təhsil müəssisələrindəki "Kiçik Akademiya”ların fəaliyyəti genişləndirilir.
Hazırda paytaxtın 285 ümumi təhsil müəssisəsində "Kiçik Akademiya”lar fəaliyyət göstərir. 22 məktəbdə isə "Kiçik Akademiya”ların yaradılması ilə bağlı hazırlıq işləri görülür. "Kiçik Akademiya”ya rəhbərlik edən müəllimlər üçün də təlimlər keçirilir. Orta məktəblərdə "Kiçik Akademiya”ların təşkilində əsas məqsəd, yuxarı sinif şagirdlərinin elmi və yaradıcı axtarışlara sövq edilməsinə, onların müasir tədqiqat metodlarına yiyələnməsi nə nail olmaqdır. "Kiçik Akademiya”ların fəaliyyətinin gücləndirilməsi, əhatə dairəsinin genişləndirilməsi, şagirdlərdə akademiyalara marağın artırılması, rəhbərlərin düzgün təlimatlandırılması qarşıya qoyulan əsas hədəflərdən hesab edilir. "Kiçik Akademiya”ların, elmi-tədqiqat fəaliyyətinə meyli olan istedadlı şagirdlərin vaxtında aşkara çıxarılmasında və onların fəaliyyətinin stimullaşdırılmasında müsbət rolu olduğu bildirilir. Belə ki, orta məktəblərdə fəaliyyət göstərən "Kiçik Akademiya”lar bütün mövcud imkanlardan istifadə edərək, şagirdləri yüksək səviyyədə maariflənməyə və təhsil almağa çağırır.
Bəs "Kiçik Akademiyalar”ın yaradılmasında üçün hansı kriteriyalar əsas götürülür?
Bakı şəhəri üzrə Təhsil İdarəsinin İnkişaf Layihələri sektorunun müdiri Arzu Tairquliyeva-Nağıyeva "Kaspi”yə müsahibəsində bu istiqamətdə görülən işlərdən danışıb.
- Məktəblərdə "Kiçik
Akademiya”ların yaradılmasında məqsəd nədir?
- "Kiçik Akademiya” yaradıcılıq və elmi-tədqiqat işlərinə maraq
göstərən, bu sahədə potensial imkanları ilə fərqlənən istedadlı şagirdlərin
üzvlüyü əsasında təhsil müəssisələrində yaradılan ictimai birlikdir. "Kiçik
Akademiya”lar istedadlı şagirdlərin aşkarlanaraq üzə çıxarılmasında önəmli rol
oynayır. Elmi-tədqiqat fəaliyyətinə meyilli olan istedadlı şagirdləri vaxtında
aşkara çıxarmaq, mövcud yaradıcılıq potensialları nəzərə alınmaqla onların
gələcək peşə istiqamətlərini müəyyənləşdirmək, şagirdlərdə elmi yaradıcılığa
maraq yaratmaq, onların tədqiqatçılıq bacarıqlarını inkişaf etdirmək,
məktəblilərdə elmi dünyagörüşün formalaşdırılması istiqamətində sistemli iş
apara bilmək məqsədilə ümumi təhsil məktəblərində "Kiçik Akademiya”lar
fəaliyyət göstərir.
- "Kiçik Akademiya”ların
yaranması üçün məktəblərin seçimi necə müəyyənləşir, hansı kriteriyalar əsas
götürülür?
- "Kiçik Akademiya”ların bütün ümumi təhsil məktəblərində yaradılması
və fəaliyyət göstərməsi nəzərdə tutulub. Akademiya daxilində hansı bölmənin
fəaliyyət göstərməsi isə məktəblərin öz seçimidir.
- "Kiçik Akademiya”ların
təhsilimizə töhfəsi nədir və şagirdlərin həyatında hansı təsiri var?
- Məktəblərdə "Kiçik Akademiya”nın fəaliyyət göstərməsi şagirdlərin
elmi axtarışlara sövq edilməsi, onların müasir tədqiqat metodlarına
yiyələnməsi, bu sahədəki fəaliyyətlərinin stimullaşdırılması, elmi-tədqiqat
fəaliyyətinə meyili olan istedadlı şagirdlərin vaxtında aşkara çıxarılması
baxımından önəmli rol oynayır.
- Akademiyalara üzvlük hansı
prinsiplər əsasında həyata keçirilir?
- Akademiyaya üzvlük könüllü olaraq qəbul edilir. Marağı və istedadı
olan bütün şagirdlər təhsil aldıqları məktəbdə fəaliyyət göstərən Akademiyaya
üzv ola bilərlər. Akademiyaya üzv olan şagirdlərin elmi konfranslarda,
olimpiadalarda və "Kiçik Akademiya”nın digər tədbirlərində iştirak etmək,
şagirdlər arasında elmi bilikləri təbliğ etmək və s. kimi vəzifələri var. Eyni
zamanda, seçdiyi fəaliyyət istiqamətində müstəqil olaraq biliklərini artırır və
ünsiyyət və davranış qaydalarına riayət etməklə, digər şagirdlərə bir nümunə
göstərirlər. "Kiçik Akademiya” üzvü olan şagirdlər yaradıcılıq və elmi-tədqiqat
işlərinə maraq göstərir, tədqiqat sahəsində potensial imkanları ilə fərqlənir,
əldə etdikləri nəticələri sərbəst şəkildə təqdim edirlər. Orta məktəblərdə bu
sahədə aparılan bütün işlər hərtərəfli inkişaf etmiş şagirdlərin yetişdirilməsində və onların əsl vətəndaş kimi formalaşmasında böyük
əhəmiyyət daşıyır. Şagirdlərin dünyagörüşünün,
ictimai fəallığının, özfəaliyyət və təşkilatçılıq qabiliyyətinin və bacarığının formalaşdırılmasında bu şərtə
riayət edilməsi vacib
pedaqoji üsullardan sayılır. Əgər şagirdlərdə
bu keyfiyyətlər aşılanarsa, şübhəsiz, onlarda ictimai işə olan maraq da
artacaqdır.
- Akademiyaların fəaliyyət
istiqamətləri hansılardır?
- "Kiçik Akademiya”nın tərkibində humanitar, təbiət,
fizika-riyaziyyat, texniki, sosial-iqtisadi və s. elmi istiqamətlər üzrə
bölmələr fəaliyyət göstərir. Akademiya daxilində hansı bölmənin fəaliyyət
göstərməsi məktəblərin öz seçimidir.
- İndiyə qədər fəaliyyətdə
olan akademiyaların işi qənaətbəxşdirmi?
- "Kiçik Akademiya”sı kifayət qədər aktiv olan məktəblər də var,
nisbətən passiv olan məktəblər də. "Kiçik Akademiya”ların işinin qənaətbəxş
olması üçün Akademiya üzvləri arasında vaxtaşırı olaraq görüşlər, müsabiqələr,
konfranslar təşkil olunur. Həmçinin Akademiyaya rəhbərlik edən müəllimlər
təlimlərə cəlb olunur.
- Akademiyanın işlərində
müəllim-valideyn tandeminin rolu, əsasən nədən ibarətdir?
- Akademiya üzvlərinin həyata keçirdiyi işlərdə müəllimlərin və
valideynlərin də böyük dəstəyi olur. Tədqiqat işlərində müəllimlər şagirdi
yönəldir, valideynlərsə şagirdin apardığı araşdırmalar zamanı onları motivasiya
edir, mənəvi dəstək olurlar. Şagirdlər bütün işlərdə fəallığı ilə seçilirlər.
Təranə Məhərrəmova