“Gürcü Arzusu” yenə qalib oldu
"Gürcü Arzusu” Partiyası Gürcüstanda keçirilən aralıq və
növbədənkənar seçkilərdə də qalib gəlib. Gürcüstan Mərkəzi Seçki Komissiyasının
saytında yayımlanan rəsmi məlumatda bildirilib ki, ölkənin beş bələdiyyəsi
rəhbərliyinə keçirilən seçkini hakim partiyanın nümayəndələri udub. Gürcüstan
MSK Marneulidə olan bütün səslərin hesablandığını və səslərin 78,6%-ni "Gürcü
Arzusu” Partiyasının nümayəndəsi Zaur Darğallının qazandığını bildirib. Onun ən
yaxın rəqibi olan "Vahid Milli Hərəkat” Partiyasının nümayəndəsi Aqil
Mustafayev 11,49% səs toplayıb. O da bəlli olub ki, Gürcüstanın Kvemo Kartli
bölgəsinin qubernatoruŞota Rexviaşviliyə azərbaycanlı yeni müavin təyin
olunacaq. Bu post keçmiş müavinZaur Darğallının Marneuli rayonunun
rəhbəri seçilməsindən sonra boşalıb. Qubernator müavini vəzifəsinə kimin
təyin olunacağı hələlik məlum deyil. Qeyd edək ki, 2017-ci ildən etibarən
azərbaycanlıların sıx yaşadığı Kvemo Kartli bölgəsinin qubernatorunun 3
müavinindən biri azərbaycanlı olur. "İlkin məlumatlara əsasən, "Gürcü Arzusu” Partiyası
Marneulidə keçirilmiş seçkilərdə səs çoxluğu ilə qələbə əldə edib”. Bunu
partiyanın liderlərindən biri, parlamentin sədri İrakli Kobaxidze keçirdiyi
brifinqdə bildirib. O deyib ki, Zuqdidi, Çiatura və Xulo rayonlarında da hakim
partiyanın namizədləri səs çoxluğu əldə edirlər. İ.Kobaxidze Tbilisinin
Mtatsminda rayonunda seçkilərin ikinci turunun keçirilmə ehtimalının olduğunu
qeyd edib.
Mixail Saakaşvilinin həyat yoldaşı Sandra Rulofsun namizəd olduğu Zuqdidi şəhərində də səslər hesablanıb. Hesablamaya əsasən, "Gürcü Arzusu”nun nümayəndəsi Geqa Şengeliya 54,18%, "Vahid Milli Hərəkat”ın nümayəndəsi Rulofs isə 42,75% səs yığıb. Zestafoni, Xulo və Çiatura şəhərlərində də "Gürcü Arzusu”nun qalib gəldiyi və "Vahid Milli Hərəkat”ın məğlub olduğu bildirilib. Hakim partiyanın Zestafonidə 7%, Xuloda 47%, Çiaturada isə 46% səs üstünlüyü ilə qalib gəldiyi açıqlanıb. Aralıq seçki ilə bərabər Gürcüstan parlamentinə Salome Zurabişvişlinin prezident olmasından sonra boşalan yerə də seçki keçirilib.
Seçki Tbilisinin Mtatsmind rayonunda baş tutub. Buradakı 31 məntəqədə bülletenlərin tam yoxlanılmasından sonra deputatlığa namizədlərdən heç birinin yetərli hesab olunacaq 51% səsi toplaya bilmədiyi üzə çıxıb. Deputatlığa əsas namizədlər olan "Gürcü Arzusu”nun nümayəndəsi Lado Kaxadze 41%, "Avropa Gürcüstanı” Partiyasının nümayəndəsi Şalva Şavqulidze isə 36,83% səs yığıb.
Seçkilərin ikinci turunun keçiriləcəyi gözlənilir.
Qeyd edək ki, Gürcüstanın keçmiş prezidenti M.Saakaşvili seçkilərin saxtalaşdırıldığını bəyan edib və tərəfdarlarını hakimiyyətə qarşı mübarizəyə səsləyib. "Feysbuk” hesabında video-müraciətlə çıxış edən M.Saakaşvili özünün "Vahid Milli Hərəkat” Partiyasını və tərəfdarlarını hücuma səsləyib. "Biz hücum və ancaq hücum etməliyik. Bizi hər dəfə seçkidən məhrum edirlər, seçkiləri saxtalaşdırırlar. İvanişvili hər dəfə fərqli fəndlərə əl atır”, - Saakaşvili vurğulayıb. Onun sözlərinə görə, Gürcüstanda seçkilər hər dəfə saxtalaşdırılır: "Pulları kibrit qutularında paylayırlar, siyahılar hazırlanır. Bütün bunlara baxmayaraq hakim partiyanın işləri yaxşı getmir”. Daha sonra üzünü "Gürcü Arzusu” nümayəndələrinə tutaraq İvanişvilinin ardınca qəbirə getməməyə, qanunsuz əmrləri icra etməməyə və seçici səslərini oğurlamamağa çağırıb. Xəbərdarlıq edib ki, saxtakarlıq edənlərin hamısı qeydə alınır: "İvanişvilinin hakimiyyət müddətinə az qalıb. İstərdim ki, gürcülər bir-birilərinə hörmətlə yanaşsınlar. Hesab etməyin ki, Gürcüstanın düşməni və onun tətbiq etdiyi sistem uzun müddət davam edəcək”.
"Saakaşvilinin son bəyanatı antikonstitusiondur və narahatlıq yaradır”. Bu sözləri isə özünün "feysbuk” səhifəsində Gürcüstan prezidenti Salome Zurabişvili paylaşıb. O, dövlət başçısı olmuş şəxsin belə bəyanatlar verməsinin doğru olmadığını bildirib.
"Gürcü Arzusu”nun tərəfdarları "Rustavi 2” telekanalının rəhbəri, Saakashvili tərəfdarıNika Qvaramiyailə əlbəyaxa olublar. Tərəflər insidentə görə bir-birini günahlandırıb. Saakaşvilinin "Vahid Milli Hərəkat” Partiyasına ölkənin qərb regionlarında dəstək güclüdür. "Vahid Milli Hərəkat” 2012-ci ildə hakimiyyətdən gedəndən ölkəni "Gürcü Arzusu” idarə edir. Ötən il Gürcüstan məhkəməsi Saakaşvilini qiyabi olaraq üç il həbs cəzasına məhkum edib. O, 2006-cı ildə gürcü bankirin qətli ilə əlaqədar dəlili ört-basdır etməkdə təqsirli bilinib. Keçmiş prezident ittihamları rədd edib, siyasi motivli adlandırıb.
"Gürcüstanda keçirilən seçkilərdə ən acınacaqlı mənzərəni Marneulidə müşahidə etdik”. Bunu Gürcüstanın müxalifətdən olan "Avropalı Gürcüstan” partiyasının liderlərindən biri Givi Tarqamadze bildirib. O deyib ki, Marneulidə səsvermə prosesi zamanı bir neçə müxalifət partiyası təmsilçisi məntəqələrdən uzaqlaşdırılıb:"Marneulidəki seçkilərin bərabər şəraitdə keçirildiyini demək olmaz. Seçicilər şantaj olunub və onlara hədə-qorxu gəlinib”.
Vahid Mili Hərəkat Partiyasının Zuqdidi rayonundan namizədi olan, Saakaşvilinin həyat yoldaşıSandra Rulofsisə bildirib ki, Bidzina İvanişvilinin rejiminə etiraz dalğası ilə son qoymaq olar. O deyib ki, B.İvanişvilinin rejimini devirdikdən sonra ölkədə seçkilər barədə danışmaq mümkün olacaq: "Biz qətiyyətlə mövqeyimizi müdafiə edəcəyik. Hər bir şəhərə, kəndə, küçəyə baş çəkəcəyik və insanları əmin edəcəyik ki, biz bir-birimizi güclü edə bilərik. İvanişvilinin rejiminə etiraz dalğası ilə qalib gəlməliyik”.
Azər NURİYEV
Mixail Saakaşvilinin həyat yoldaşı Sandra Rulofsun namizəd olduğu Zuqdidi şəhərində də səslər hesablanıb. Hesablamaya əsasən, "Gürcü Arzusu”nun nümayəndəsi Geqa Şengeliya 54,18%, "Vahid Milli Hərəkat”ın nümayəndəsi Rulofs isə 42,75% səs yığıb. Zestafoni, Xulo və Çiatura şəhərlərində də "Gürcü Arzusu”nun qalib gəldiyi və "Vahid Milli Hərəkat”ın məğlub olduğu bildirilib. Hakim partiyanın Zestafonidə 7%, Xuloda 47%, Çiaturada isə 46% səs üstünlüyü ilə qalib gəldiyi açıqlanıb. Aralıq seçki ilə bərabər Gürcüstan parlamentinə Salome Zurabişvişlinin prezident olmasından sonra boşalan yerə də seçki keçirilib.
Seçki Tbilisinin Mtatsmind rayonunda baş tutub. Buradakı 31 məntəqədə bülletenlərin tam yoxlanılmasından sonra deputatlığa namizədlərdən heç birinin yetərli hesab olunacaq 51% səsi toplaya bilmədiyi üzə çıxıb. Deputatlığa əsas namizədlər olan "Gürcü Arzusu”nun nümayəndəsi Lado Kaxadze 41%, "Avropa Gürcüstanı” Partiyasının nümayəndəsi Şalva Şavqulidze isə 36,83% səs yığıb.
Seçkilərin ikinci turunun keçiriləcəyi gözlənilir.
Qeyd edək ki, Gürcüstanın keçmiş prezidenti M.Saakaşvili seçkilərin saxtalaşdırıldığını bəyan edib və tərəfdarlarını hakimiyyətə qarşı mübarizəyə səsləyib. "Feysbuk” hesabında video-müraciətlə çıxış edən M.Saakaşvili özünün "Vahid Milli Hərəkat” Partiyasını və tərəfdarlarını hücuma səsləyib. "Biz hücum və ancaq hücum etməliyik. Bizi hər dəfə seçkidən məhrum edirlər, seçkiləri saxtalaşdırırlar. İvanişvili hər dəfə fərqli fəndlərə əl atır”, - Saakaşvili vurğulayıb. Onun sözlərinə görə, Gürcüstanda seçkilər hər dəfə saxtalaşdırılır: "Pulları kibrit qutularında paylayırlar, siyahılar hazırlanır. Bütün bunlara baxmayaraq hakim partiyanın işləri yaxşı getmir”. Daha sonra üzünü "Gürcü Arzusu” nümayəndələrinə tutaraq İvanişvilinin ardınca qəbirə getməməyə, qanunsuz əmrləri icra etməməyə və seçici səslərini oğurlamamağa çağırıb. Xəbərdarlıq edib ki, saxtakarlıq edənlərin hamısı qeydə alınır: "İvanişvilinin hakimiyyət müddətinə az qalıb. İstərdim ki, gürcülər bir-birilərinə hörmətlə yanaşsınlar. Hesab etməyin ki, Gürcüstanın düşməni və onun tətbiq etdiyi sistem uzun müddət davam edəcək”.
"Saakaşvilinin son bəyanatı antikonstitusiondur və narahatlıq yaradır”. Bu sözləri isə özünün "feysbuk” səhifəsində Gürcüstan prezidenti Salome Zurabişvili paylaşıb. O, dövlət başçısı olmuş şəxsin belə bəyanatlar verməsinin doğru olmadığını bildirib.
"Gürcü Arzusu”nun tərəfdarları "Rustavi 2” telekanalının rəhbəri, Saakashvili tərəfdarıNika Qvaramiyailə əlbəyaxa olublar. Tərəflər insidentə görə bir-birini günahlandırıb. Saakaşvilinin "Vahid Milli Hərəkat” Partiyasına ölkənin qərb regionlarında dəstək güclüdür. "Vahid Milli Hərəkat” 2012-ci ildə hakimiyyətdən gedəndən ölkəni "Gürcü Arzusu” idarə edir. Ötən il Gürcüstan məhkəməsi Saakaşvilini qiyabi olaraq üç il həbs cəzasına məhkum edib. O, 2006-cı ildə gürcü bankirin qətli ilə əlaqədar dəlili ört-basdır etməkdə təqsirli bilinib. Keçmiş prezident ittihamları rədd edib, siyasi motivli adlandırıb.
"Gürcüstanda keçirilən seçkilərdə ən acınacaqlı mənzərəni Marneulidə müşahidə etdik”. Bunu Gürcüstanın müxalifətdən olan "Avropalı Gürcüstan” partiyasının liderlərindən biri Givi Tarqamadze bildirib. O deyib ki, Marneulidə səsvermə prosesi zamanı bir neçə müxalifət partiyası təmsilçisi məntəqələrdən uzaqlaşdırılıb:"Marneulidəki seçkilərin bərabər şəraitdə keçirildiyini demək olmaz. Seçicilər şantaj olunub və onlara hədə-qorxu gəlinib”.
Vahid Mili Hərəkat Partiyasının Zuqdidi rayonundan namizədi olan, Saakaşvilinin həyat yoldaşıSandra Rulofsisə bildirib ki, Bidzina İvanişvilinin rejiminə etiraz dalğası ilə son qoymaq olar. O deyib ki, B.İvanişvilinin rejimini devirdikdən sonra ölkədə seçkilər barədə danışmaq mümkün olacaq: "Biz qətiyyətlə mövqeyimizi müdafiə edəcəyik. Hər bir şəhərə, kəndə, küçəyə baş çəkəcəyik və insanları əmin edəcəyik ki, biz bir-birimizi güclü edə bilərik. İvanişvilinin rejiminə etiraz dalğası ilə qalib gəlməliyik”.
Azər NURİYEV