bazar ertəsi, 05 dekabr, 19:15

Baku Bakı 3°C

Azərbaycanın Baş Qərargah rəisi Gürcüstanda Milli Təlim və Tədris Mərkəzində olub

icon 368 icon 29 sentyabr 2022 | 16:34 Azərbaycanın Baş Qərargah rəisi Gürcüstanda Milli Təlim və Tədris Mərkəzində olub

Gürcüstanda rəsmi səfərdə olan müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevin rəhbərlik etdiyi nümayəndə heyəti sentyabrın 29-da Tbilisi yaxınlığındakı Krtsanisi Milli Təlim və Tədris Mərkəzində olub.

Bu barədə "Kaspi"yə Müdafiə Nazirliyindən məlumat verilib.

Azərbaycan nümayəndə heyətinə mərkəzin tarixi və fəaliyyəti barədə geniş brifinq təqdim edilib.

Sonra nümayəndə heyəti “Delta” Elmi Hərbi-Texniki Mərkəzini ziyarət edib.

Mərkəzdə istehsal edilən hərbi texnika və avadanlığa baxış keçirilib, hərbi-texniki əməkdaşlıq sahəsində qarşılıqlı maraq doğuran bir sıra məsələlər ətrafında fikir mübadiləsi aparılıb.