Seçkilərə qatılan jurnalistlər hansı təbliğat vasitələrindən istifadə edəcək?
Kimisi televiziya haqqında fikirləşir, kimisi sosial şəbəkələri
hədəfləyir, kimisi də birbaşa seçicinin ayağına getməyi planlayır
Fevralın 9-da Milli Məclisə növbəti seçkilər keçiriləcək və bu məqsədlə artıq cəmiyyətin müxtəlif kateqoriyalarında olan insanlar namizədliklərini irəli sürüblər. Təbii ki, bu təşəbbüsə qoşulan və namizədlikləri təsdiqlənən insanlar içərisində jurnalistlər də var. Ötən parlament seçkilərindən fərqli olaraq bu dəfəki seçkidə onların sayı daha çoxdur. Parlament seçkilərində namizəd olan jurnalistlərin kampaniya müddətində hansı təbliğat vasitələrindən istifadə edəcəkləri maraq doğurur. Bu baxımdan da parlament seçkilərinə qatılan Azərbaycan mediasının bir sıra nümayəndələri öz fikirlərini "Kaspi” qəzeti ilə bölüşüb.
BƏXTİYAR
Fevralın 9-da Milli Məclisə növbəti seçkilər keçiriləcək və bu məqsədlə artıq cəmiyyətin müxtəlif kateqoriyalarında olan insanlar namizədliklərini irəli sürüblər. Təbii ki, bu təşəbbüsə qoşulan və namizədlikləri təsdiqlənən insanlar içərisində jurnalistlər də var. Ötən parlament seçkilərindən fərqli olaraq bu dəfəki seçkidə onların sayı daha çoxdur. Parlament seçkilərində namizəd olan jurnalistlərin kampaniya müddətində hansı təbliğat vasitələrindən istifadə edəcəkləri maraq doğurur. Bu baxımdan da parlament seçkilərinə qatılan Azərbaycan mediasının bir sıra nümayəndələri öz fikirlərini "Kaspi” qəzeti ilə bölüşüb.
Mövzu ilə bağlı açıqlamasında 35
saylı Xətai üçüncü seçki dairəsindən deputatlığa namizədliyi qeydə alınan, "Yeni Müsavat” qəzetinin baş redaktoru Rauf
Arifoğlunun seçki qərargahının rəhbəri Çingiz Özgür bildirdi ki, təşviqat
dövründə ənənəvi təbliğat vasitələrindən istifadə edəcəklər: "Bura qəzet, xəbər
saytları da daxildir. O cümlədən imkanımız olacağı halda televiziyadan da
istifadə etməyi düşünürük. Təbii ki, yeni dönəmin trendlərindən olan sosial
mediadan da çox ciddi şəkildə istifadə edəcəyik. Belə ki, sosial mediada mövcud
olan qruplarda, səhifələrdə paylaşımlarımız olacaq. Həmçinin müxtəlif şəxsi
profillərdən də istifadə etməyi düşünürük”.
Ç.Özgür qeyd etdi ki, kampaniya dövründə əsasən birə-bir görüşlərə
üstünlük veriləcək: "Bu məqsədlə seçki dairəsini əhatə edən binalarda,
məhəllələrdə görüşlər keçiriləcək. Bu görüşlərdə hər bir seçici tərəfimizdən
dinləniləcək. Bundan başqa, qərargah üzvləri həmin insanları bir yerə
toplayacaq və namizədimizlə görüşləri təşkil olunacaq. O cümlədən namizədimizin
platformasının yer aldığı çap materialları seçicilərə qapı-qapı paylanacaq.
Eyni zamanda, sürpriz ola biləcək və açıqlamaq istəmədiyimiz digər təbliğat
vasitələrindən istifadə edəcəyik. Yaxşı olacaq, hər şey dəyişəcək”.
48 saylı Yevlax seçki
dairəsindən deputatlığa namizədliyi qeydə alınan "Olaylar”İA-nin əməkdaşı
Süleyman İsmayılbəyli bildirdi ki, artıq bir neçə gündən sonra
növbədənkənar parlament seçkilərinin daha bir mühüm dövrü, təbliğat-təşviqat
mərhələsi başlayır: "Təbliğat-təşviqat mərhələsi ilə əlaqədar seçki
qərargahımızın müntəzəm olaraq toplantısı keçirilir və müəyyən tədbirlər planı
hazırlanıb. İlkin mərhələdə reklam materialları, təbliğat fotolarının çap
edilməsi ilə bağlı işlərə start verilib və yaxın günlərdə reklam
materiallarımızı müvafiq nəşriyyatdan götürəcəyik. Seçki qanunvericiliyinin
tələblərinə uyğun olaraq təbliğat mərhələsinə start verildiyi gündən fotoları,
platformamızı seçki məntəqələrinin önündəki xüsusi lövhələrdə yerləşdirəcəyik.
O ki, qaldı təbliğatın digər forma və vasitələri, xüsusilə pullu efir
vaxtı, Mərkəzi Seçki Komissiyasından qeydiyyatdan keçmiş KİV-lərdə reklam
yerləşdirməyə, həm maddi durum, həm də digər subyektiv səbəblərdən dolayı bu
təbliğat vasitəsindən istifadə etməyəcəyik. Əgər dostlarımız, həmkarlarımız
maddi qarşılıq olmadan dəstək verər və rəhbərlik etdikləri KİV-lərdə bizə
təmənnasız şərait yaradarlarsa, təbii ki, bundan da imtina etmərik. Təklif
olmasa belə, bu, bizi qətiyyən narahat etməz”.
S.İsmayılbəyli vurğuladı ki, biz seçicilərlə canlı təmasda olmağa, onların
qapısına gedib dərdini dinləməyə, istəyini öyrənməyə, millət vəkili seçiləcəyi
təqdirdə görəcəyi işləri bir-bir çatdırmağa üstünlük verəcəyik: "Eyni zamanda,
seçicilərimizi əmin etməyə çalışacağıq ki, etimad göstərəcəkləri təqdirdə,
onların səsinin çata, asanlıqla arayıb tapa biləcəyi bir millət vəkili
olacağıq. Düşünürük ki, bu, ən doğru vasitədir. Həmçinin planımızda deputatlığa
namizədlərin təbliğat-təşviqat mərhələsi üçün 48 saylı Yevlax Seçki Dairəsinin
ərazisində ayrılmış yerlərdə də seçicilərimizlə görüşlər keçirmək var”.
28 saylı Sabunçu üçüncü
seçki dairəsindən namizədliyi qeydə alınan müstəqil jurnalist Aygün Muradxanlı bildirdi ki,
əsasən təbliğatı internet üzərindən quracaq: "Yəni, interneti əsas təbliğat
vasitəsi seçmişəm. Çünki televiziyalarda efir vaxtları çox bahadır. Konkret
olaraq, İctimai TV-nin açıqladığı qiymətlər orta statistik azərbaycanlının -
namizədin cibinə uyğun deyil. Onu da qeyd edim ki, televiziyadan baxımlı
"Yuotube” kanalları var. Eyni zamanda öz "facebook” səhifəm, digər sosial
şəbəkələrdə imkanlar var. Bu baxımdan çalışacağam ki, əsasən təbliğatı sosial
şəbəkələr üzərindən qurum”.
A.Muradxanlı əlavə etdi ki, yanvarın 17-də təbliğata rəsmən icazə
veriləndən sonra daha çox qapı-qapı siyasətini tətbiq etmək istəyir: "Yəni,
seçicilərimlə daha çox canlı təmaslar quracağam, görüşlər təşkil edəcəyəm. Bu
görüşlər də həm toplu halında, həm də tək-tək keçiriləcək. Çünki hesab edirəm
ki, seçici ilə canlı təmasın təsiri başqadır. Ən azından görüş zamanı
sual-cavab ortamı yarana bilər, mənim məsələlərə baxışlarımla bağlı bəzi
dəqiqləşdirmələri ola bilər. Təbii ki, hamı namizədini tanımır və ona görə də
suallar verib, cavab ala bilər və o təmaslar nəticəsində bizim münasibətlərimiz
daha yaxşı məcraya yönələr. Hətta bu gün qəbul etməyən və təbii ki, "orada
namizəd güclüdür, siz niyə özünüzü boş yerə yorursunuz” deyənlər də var. Amma
bütün hallarda hesab edirəm ki, seçicilərlə canlı təmaslar vacibdir. Ona görə
də ən yaxşı "qapı-qapı” siyasətidir və dairəmdə tanıdığım-tanımadığım qapıları
döyəcəm. 28 saylı Sabunçu üçüncü seçki dairəsində 58 min seçici var və
Azərbaycanda ən böyük dairələrindən biridir. Bu baxımdan da daha çox seçicilərlə
görüşüb, ölkədəki dəyişiklikləri həm təbliğ edəcəyik, həm də onları seçkiyə çağıracağıq”.
96 saylı Goranboy-Nafatalan
Seçki Dairəsindən deputatlığa namizədliyi qeydə alınan "Kaspi” qəzetinin
əməkdaşı Rufik İsmayılov bildirdi ki, seçkidə ilk növbədə ənənəvi olaraq təbliğat
materiallarından, o cümlədən plakatlardan istifadə olunacaq: "Həmçinin bir
namizəd kimi tərcümeyi-halımın və fəaliyyətimin əks olunduğu flayerlərdən
istifadə edəcəyəm. Namizədliyimi irəli sürdüyüm dairədə 45 seçki məntəqəsi var.
Hər bir məntəqə ərazisində plakatların vurulması üçün müvafiq guşə - yer
ayrılıb. Həmin guşələrdə əvvəlcədən çap edilən plakatlar yapışdırılacaq”.
R.İsmayılov təbliğat vasitəsi kimi çap etdirdiyi flayerləri isə tək-tək
dairədəki seçicilərinə təqdim edəcəyini diqqətə çatdırıb: "Bunun üçün də 45 məntəqənin
yerləşdiyi bütün kəndləri bir-bir gəzib camaatla söhbətləşəcək, insanları
dinləyəcək, onları qayğılandıran problemləri qeyd edəcəyəmm ki, seçicilər etimad
göstərib millət vəkili seçəcəkləri təqdirdə qarşımda konkret fəaliyyət planı
olsun, o problemlərin həlli üçün müvafiq addımlar ata bilim. Bir sözlə,
seçicilərimin ayağına gedəcəm, özümü onlara təqdim edərək dəstəklərini
qazanmağa çalışacam. Vətəndaşımızın, seçicimin qarşısına çıxmaqdan, onunla
ünsiyyətdə olmaqdan əsla çəkinmirəm. Çünki, mən də onlardan biriyəm”.
45 saylı Abşeron seçki
dairəsindən deputatlığa namizədliyi qeydə alınan müstəqil jurnalist Ceyhun
Musaoğlu bildirdi ki, deputatlığa namizəd kimi çalışacaq ki, bütün gərəkli
piar vasitələrindən istifadə etsin: "Amma bütün bunlar hamısı qanun
çərçivəsində olmalıdır. Çalışacağam ki, təbliğat və təşviqat üçün sosial
şəbəkələrdən çox da geniş istifadə etməyim. Daha çox mətbuatdakı dostlarımız
köməkliyi ilə xəbər saytlarının imkanlarından istifadə edəcəyəm”.
BƏXTİYAR