"Paşinyanın Qarabağı Ermənistan hesab etməsi siyasi sərsəmlikdir"
"Paşinyanın belə məsuliyyətsiz sözləri və davranışları ATƏT-in Minsk qrupu və onun həmsədrləri tərəfindən təcili olaraq qınanılmalı və çəkindirici tədbirlərə əl atılmalıdır". Bu fikirləri Kaspi.az-a açıqlamasında Milli Məclisin deputatı, politoloq Hikmət Məmmədov bildirdi. Onun sözlərinə görrə,Paşinyanın Qarabağı Ermənistan hesab etməsi siyasi sərsəmlikdir
və hər gün bir az daha çox azalan reytiqinin yüksəlməsi üçün daxili auditoriyaya
etdiyi populist müraciətdir: "Məsələ ondadır ki, dediyi sözlərə onun özü belə
inanmır. Aprel döyüşlərndən sonra nəinki
Qarabağda, hətta Ermənistanda da
təhlükəsiz yaşamağın mümkün olmadığını bütün ermənilər dərk edir. Çünki
Ermənistan süni dövlət kimi məhz Azərbaycanın tarixi torpaqlarında yaradılıb. O
torpaqların isə hər qarışının sahibi var və gec - tez bir gün gedib öz
torpaqlarımızda yaşayacağıq. Ancaq hazırki vəziyyətdə bir ölkənin rəsmi baş
naziri olan birinin başqa ölkənin torpaqlarını özününkü hesab etməsi və oraya
səfərə gəlməsi beynəlxalq hüququn pozulması, eyni zamanda Ermənistanın işğalçı
dövlət olmasının sübutudur”.
H.Məmmədov vurğuladı ki, Paşinyanın belə məsuliyyətsiz sözləri və
davranışları ATƏT-in Minsk qrupu və onun həmsədrləri tərəfindən təcili olaraq
qınanılmalı və çəkindirici tədbirlərə əl atılmalıdır: "Əks təqdirdə bu cür
davranışlar müharibə səbəbidir və Azərbaycan bunu etməyə həm iqtisadi, həm də
hərbi - siyasi qüdrəti ilə hazırdır. Ermənilərin heç gözləmədikləri bir vaxtda
ildırım sürətli bir həmlə paşinyanların siyasi təlxəkliyinə birdəfəlik son qoya
bilər. Ona görə də yaxşı olar ki, həm ATƏT -in Minsk qrupunun həmsədrləri, həm
də Ermənistanda rasional düşünməyi bacaran daxili siyasi aktorlar vəziyyəti
düzgün qiymətləndirib problemin həlli ilə bağlı konkret addımlar atsınlar”.