İşçilərin karyera inkişafı üçün yaradılan imkanlar
Şirkətlərin
ümumi fəaliyyətində, böyüməsində işçi amilinin rolu böyükdür. Buna görə, bəzən
şirkətlər ən yaxşı kadrları digər şirkətlərdən cəlb etməyə çalışırlar. Amma
yaxşı kadrın yetişməsi də müəyyən kompleks işlərin nəticəsində olur. Onlardan
biri də şirkət daxilində bunun üçün yaradılan imkanlardır. Maraqlıdır, bizim
şirkətlərimizdə işçilərin karyera cəhətdən inkişafı üçün hansı işlər görülür?
Şirkət daxilində bunun üçün hansı imkanlar yaradırlar? Bu suallarla şirkətlərə
müraciət etdik.
"Azercell”in sertifikatları
"Azercell
Telecom”un insan qaynaqları departamentindən bildirildi ki, şirkət yarandığı dövrdən insan qaynaqlarının idarə
olunmasında beynəlxalq təcrübədən yararlanıb. Şirkətin bu sahədə tətbiq etdiyi
bütün proseslər, mövcud sistem ən müasir beynəlxalq təcrübəyə uyğundur: "Təsadüfi
deyil ki, MDB məkanında ilk dəfə şirkətimiz "Investors in People” (IIP) -
İnsana Sərmayə Standartlarının tələblərinə cavab verərək, 2004-cü ildə "Standart”,
2011 və 2014-cü illərdə isə "Gümüş” sertifikatını əldə edib. 2018-ci ilin
yanvar ayında keçirilən sertifikasiya zamanı isə "Azercell” işçilərini yüksək səviyyədə
idarə etdiyini artıq beynəlxalq səviyyədə sübut edərək, "Qızıl” sertifikata
layiq görülüb. Məhz bunun göstəricisi olaraq, son 5 il ərzində işçilərin
inkişafınaşirkət tərəfindən 4 583 629 AZNsərmayə yatırılıb.
İşçilərin inkişafına yönəlik proqramlar çərçivəsində nəinki klassik tədrislərə,
həm də online şəkildə alınan tədrislərə, koçinq və mentorluq proqramlarına da
böyük yer verilir”.
Bildirildi ki,
şirkət daxilində yaradılan "Azercell” Akademiyasının tədris paketi daim genişləndirilir,
hazırda 30-dan artıq tədris proqramını və 40-a yaxın peşəkar tədrisçini əhatə
edir: "Korporativ universitetimiz olan "Azercell” Akademiyası öz sahəsində peşəkar
olan əməkdaşlarımızın təlimvermə, biliklərini digərləri ilə paylaşma kimi
qabiliyyətlərini də gücləndirərək ayrıca bir inkişaf vasitəsinə çevrilib. "Azercell”
Akademiyası şirkət daxilində beynəlxalq səviyyəli təlimlərin keçirilməsi ilə
yanaşı, yerli bazarda bir sıra dövlət və özəl strukturlarına təlimlər də təqdim
edib”.
Şirkətin məlumatına
görə, son 2 ildə keçirilən işəgötürən brendi araşdırmalarının nəticəsinə əsasən,
"Azercell” bazardaən yaxşı maaş və yüksək iş şəraiti, işçilərlə davranış,
əməkdaşların inkişaf perspektivləri və digər meyarlara görə sıralanan şirkətlər
arasında 3 ən yaxşı işəgötürəndən biri, mobil operatorlar arasında isə ən yaxşı
işəgötürən elan edilib: "Azercell” əməkdaşlarının şirkətə bağlılığı daim yüksək
olaraq qalır. Son ilin işçi bağlılığı sorğusunun nəticələrinə görə, bu göstərici
87% təşkil edib. Belə ki, "Azercell”də işləməkdən qürur duyuram” sualına 92%
işçi pozitiv cavab verib. Şirkətimiz hər zaman işçilərin təşəbbüslərini dəstəkləyir,
daim dinamik iş mühiti yaradaraq onların həm şəxsi, həm də peşakar inkişafı
üçün imkanlar yaradır”.
"Kapital
Bank”da şaquli və üfüqi yol
"Kapital Bank”ın mətbuat
katibi Parviz Sədrəddinov bildirdi
ki, karyera inkişafı şirkətin və işçinin inkişafına xidmət edən kompleks
sistemdir. "Kapital Bank” da əməkdaşlarının peşəkar inkişafı ilə birlikdə karyera inkişafını da dəstəkləyir:
"Bankımızda karyera inkişafı mütəmadi olaraq davam edən və inklüziv xarakterli
prosesdir. Belə ki, əməkdaşların hər biri iddialılıq səviyyəsindən asılı
olmayaraq, müxtəlif imkanlarla təmin edilirlər, təlim ehtiyaclarına uyğun
olaraq planlı şəkildə yeni bilik və bacarıqlar əldə edirlər, müxtəlif layihələrə
cəlb olunaraq bankda baş verən yeniliklərlə tanış olur və daha çox təcrübə
qazanırlar. Həmçinin "Kapital Bank” əməkdaşların liderlik xüsusiyyətlərinin
inkişafına və idarəetmə kompetensiyalarının tətbiq edilməsinə də xüsusi diqqət
yetirir. Peşəkar inkişaf olan yerdə karyera inkişafı qaçılmazdır. Bankımızda
karyera inkişafı şaquli və üfüqi olmaqla həyata keçirilir. Hər bir əməkdaşımız
çalışdığı sahə üzrə irəliləməklə bərabər, digər uyğun sahələr üzrə də üfüqi
olaraq karyera inkişafı əldə edə bilir. Karyera inkişafında bankımız 3 məqamı
xüsusi diqqətə alır: 1) işçilərin işi görmək üçün yetərli qədər motivasiyalı
olması; 2) lazımi işləri yerinə yetirmək üçün zəruri kompetensiyalara malik
olması; 3) bacarıqlarını tətbiq edə biləcəkləri mühit və fürsətlərin olması”.
"Veysəloğlu”nun
inkişaf mərkəzi
"Veysəloğlu” Şirkətlər Qrupunun İctimaiyyətlə əlaqələr
şöbəsinin müdiri İlham Məmmədov bildirdi ki, şirkət işçi heyətin bilik və bacarığının, peşəkar səviyyəsinin
artırılmasına daim böyük əhəmiyyət verir. Bunun üçün də ölkə daxilində və
xaricdə kurslar, seminarlar, təlimlər təşkil edir, müxtəlif tədbirlər həyata
keçirir: "Şirkətlər Qrupu əməkdaşları üçün illik təlim, inkişaf və karyera
planlamasını reallaşdırır. Məsələn, 2018-ci ildə Şirkətlər Qrupunda inkişaf
mexanizmləri bir neçə hissədən ibarətdir. İnkişaf təlimləri – bu təlimlər şirkətdə
mütəxəssis heyətini də əhatə etməklə, demək olar ki, bütün əməkdaşlara şamil
edilən, zamanın idarəetməsi, ünsiyyət və hisslərin idarə edilməsi kimi təlimləri
ehtiva edir. Bununla yanaşı, bölmə, bölgə müdiri və yuxarı vəzifə
kateqoriyasını əhatə edən idarəetmə təlimlərimiz də mövcuddur.
İş təlimləri – bu təlimlər, əməkdaşların xüsusi sahələr
üzrə bilik və bacarıqlarının inkişafına yönəlib.
Xüsusi Proqramlar – orientasiya, satıcı və kassirlər
üçün təlim proqramları ilə yanaşı, şirkətin unikal VİA - Veysəloğlu İlk Addım
Proqramı da mövcuddur. VİA-nın məqsədi
seçilmiş universitetin, müvafiq fakültələrinin məzunlarını məşğulluqla təmin
etmək və şirkətlər qrupunun bir sıra departamentlərində mütəxəssis və üstü vəzifələr
üzrə dayanıqlı işçilərlər təmin etməkdir. Üstünlükləri də çoxdur. "Veysəloğlu
Qrup” MMC-nin aparıcı direktorluq, departamentlərinin hər birində mentorun
istiqamətləndirməsi ilə öyrədici və ödənişli təcrübə, orientasiya təlimləri də
daxil olmaqla, ümumi idarəetmə, maliyyə idarəsi, İR idarəetməsi, logistika,
hüquq, emosional intellekt, müştəri məmnuniyyəti, ünsiyyət və bu kimi əsas
biznes vərdişlərinə əsaslanan təlimlər, şirkət rəhbərlərin dəvətli qonaq
qismində cəlb edildiyi müzakirələr, strateji düşünmə və təqdimat bacarıqlarının
inkişafına yönəlmiş tapşırıqlar və s.”.
İ.Məmmədov
bildirdi ki, şirkətlər qrupunda əməkdaşların şəxsi və peşəkar inkişaflarına yönəlik
təlimlər, seminarlar, müxtəlif tədris layihələrinin təşkili ilə məşğul olan
"Veysəloğlu İnkişaf Mərkəzi” (VİM) fəaliyyət göstərir. Bu mərkəzin fəaliyyəti
demək olar ki, kollektivin motivasiyasına ciddi təsir göstərməkdədir.
SOCAR-da fərdi inkişaf planı
SOCAR-dan verilən məlumata görə, şirkətdə işçilərin karyera inkişafı müəssisənin və işçinin
inkişafına xidmət edən, işçinin xidməti və fərdi keyfiyyət göstəricilərinə
uyğun olaraq xidməti irəliləyiş sisteminin planlaşdırılması və həyata keçirilməsi
üzrə kompleks tədbirlərin həyata keçirilməsini nəzərdə tutur: "SOCAR-ın 22 aprel
2013-cü il tarixli 57 nömrəli əmri ilə təsdiq edilmişkadr siyasəti, kadrların ehtiyat bazasının formalaşdırılmasını, əmək
məhsuldarlığının artırılması üçün tələb olunan ixtisas və peşələr üzrə peşəkar
kadrların işə cəlb edilməsini, onların inkişafı üçün lazımi şəraitin
yaradılmasını və insan resurslarının daha səmərəli idarə edilməsini müəyyən
edir.
Neft və qaz sahəsində
peşəkar və ixtisaslı kadrların hazırlanması üçün peşə məktəbi və təlim mərkəzlərinin
təsis edilməsi, gənc kadrların nüfuzlu universitetlərdə təhsilinin maliyyələşdirilməsi
və şirkətə cəlb edilməsi ilə bağlı uzun illərdir əhəmiyyətli işlər davam
etdirilir. SOCAR-da 2008-ci ildən SAP-ın müxtəlif modulları, o cümlədən HR
modulu da tətbiq olunur. Bu prosesin davamlı şəkildə, beynəlxalq təcrübəyə əsaslanan
idarəetmə prinsipləri nəzərə alınaraq, daha effektiv icrası üçün "işə qəbul",
"xidməti fəaliyyətin qiymətləndirilməsi və karyera planlaması",
"biliklərin test üsulu ilə yoxlanılması "təlimlərin təşkili",
"işçilərlə əlaqələr" istiqamətində beynəlxalq təcrübəyə əsaslanan
metodoloji sənədlər və müvafiq standartlar hazırlanaraq tətbiq olunmağa
başlanıb. Bununla yanaşı, işçilərin xidməti fəaliyyətinin qiymətləndirilməsi və
karyera planlaması proqramı hazırlanıb, SOCAR-ın bir neçə müəssisəsində pilot
layihə olaraq tətbiq edilib. Bu gün rəqabətli qlobal mühitlə ayaqlaşaraq
prosesdən daha da təkmilləşmək üçün SOCAR-da insan resursları sahəsi üzrə həyata
keçirilən tədbirlərin vahid platformada cəmlənməsi və qabaqcıl informasiya
texnologiyalarından istifadə etməklə inteqrasiya olunması zərurəti daim nəzərdə
saxlanılır.
Həmin məqsədlə
qlobal arenada bu sahənin lider şirkətlərindən sayılan və daha əvvəl də müxtəlif
istiqamətlərdə əməkdaşlıq etdiyimiz SAP şirkətinin bu işlərə cəlb edilib və
"İnsan resurslarının funksiyalarının transformasiyasi" proqramının həyata
keçirilməsinə start verilib. Layihənin əsas məqsədi heyətin idarə edilməsinin
effektivliyinin yüksəldilməsi, peşəkar əməkdaşların inkişafı və saxlanılması
uçun fundamental əsasın yaradılması, həmçinin heyətə vəsait sərfinin şəffaflığının
təmin edilməsidir.
Karyera inkişafı
üzrə bütün proseslərdə SOCAR prezidentinin əmri ilə təsdiq edilmiş vəzifə
funksiyalarını, xüsusiyyətlərini,işlərin optimal icra olunması üçün vəzifələrə
təyin edilmiş səriştə və kvalifikasiya tələblərini və qiymətləndirmə
meyarlarını özündə əks etdirən Vəzifə Standartları əsas götürülür. Eyni zamanda
SOCAR-da istehsalat proseslərinə birbaşa təsir edən yüksək əhəmiyyətli vəzifələr
müəyyən edilərək peşəkarlıq göstəricilərinə, təhsil və staj tələblərinə uyğun
olan işçilər sırasından davamçılar müəyyən edilir. Müəyyən edilmiş davamçıların
Fərdi İnkişaf Planları hazırlanır və onların inkişafı ilə bağlı sistematik tədbirlər
həyata keçirilir”.
"Bakcell”in şəxsi və peşəkar həyat arasındakı
balansı
"Bakcell”dən
bildirildi ki, şirkət öz əməkdaşlarının karyera inkişafını təmin etmək üçün
dörd istiqamətdə imkanlar təmin edir: "İlk olaraq "Bakcell” şirkət daxilində
yaranmış vakansiyalar zamanı öz əməkdaşları üçün vəzifədə irəliləmə imkanları təqdim
edir. Vəzifədə irəliləməklə yanaşı, önəmli
faktorlardan biri də əməkdaşlar üçün yaradılan maliyyə imkanlarıdır. Belə ki,
"Bakcell” şirkəti öz əməkdaşları üçün xüsusi üstünlüklər təqdim edir. Performans
göstəricilərində qabaqcıl olan əməkdaşlara əmək haqqı artımlarının həyata
keçirilməsi digər əməkdaşları da öz fəaliyyətlərində qabaqcıl olmağa təşviq
edir.
"Bakcell” şirkəti öz əməkdaşlarının professional
inkişafına da çox böyük diqqət ayırmaqdadır. Dünya praktikasında qabaqcıl
yanaşmalardan olan "3E” (Education/Təhsil, Exposure/Mentorluq,
Experience/Təcrübə) modelinin tətbiq edilməsi əməkdaşların professional
inkişafına yönəlmişdir. Konfranslar, mentorluq proqramları, təlimlər, onlayn
kurslar və hətta təhsil ödənişləri kimi imkanlar yaradaraq əməkdaşların bilik və
bacarıqlarının artırılması istiqamətində addımlar atılır.
Sonuncu, amma önəmliliyinə görə digərlərindən geri
qalmayan faktor, əməkdaşların şəxsi inkişafıdır. Əməkdaşların şəxsi inkişafının
işlə bilavasitə əlaqəsinin olması hiss edilməsə də, əslində şəxsi həyatda əldə
edilən uğurlar əməkdaşlar üçün ən motivasiyalı faktorlar sırasındadır.
"Bakcell” şirkəti öz əməkdaşlarının şəxsi və peşəkar həyatı arasında balansı təmin
edərək, onların öz şəxsi məqsədlərinə nail olmasına töhfə vermiş olur”.
Aygün Asimqızı