Həmvətənimizin Rusiya şəhərində solo konserti olacaq
Moskvada
yaşayan həmvətənimiz, Rusiya Televiziyasının Birinci kanalının "Qolos” layihəsinin dördüncü mövsümünün iştirakçısı, gənc vokalçı Emil Qədirov 2018-ci il fevralın 25-də V.S.Rozov
adına
Yaroslavl Dövlət Gənc Tamaşaçılar Teatrında solo konsert proqramı ilə çıxış edəcək.
AZƏRTAC xəbər
verir ki, "Sən mənim
melodiyamsan” adlı konsert proqramı dünya şöhrətli
müğənni
və
bəstəkar
Müslüm Maqomayevə
həsr
olunacaq.
Xatırladaq ki Emil Qədirovun
Kreml Sarayında,
İttifaqlar Evinin sütunlu salonunda, Moskva Musiqi Evində,
Mərkəzi
Alimlər
Evində,
Xilaskar İsa
Məbədində
solo konsertləri olub. "Qradski Holl” teatrının solisti olan həmvətənimizin
repertuarına
dünya klassik operalarından ariyalar, müxtəlif
ölkə
bəstəkarlarının romansları və
estrada mahnıları daxildir.