“Gənc ailələr arasında kənd yaşıl turizmini stimullaşdırmaq” layihəsi həyata keçirilib
Azərbaycan
Gənc Alim, Aspirant və Magistrlər Cəmiyyəti Azərbaycan Respublikası Prezidenti
yanında Gənclər Fondunun dəstəyi ilə "Gənc ailələr arasında kənd
yaşıl turizmini stimullaşdırmaq”
layihəsinə start verib. Layihə Oğuz, Şəki, Qəbələ və İsmayıllı rayonlarında
gənc kənd sakinləri və arasında seminarların təşkil edilməklə həyata keçirilib.Tədbirlərdə
hər bir rayonunun müxtəlif kəndlərindən
70 nəfər olmaqla ümumilikdə 280 nəfər gənc
iştirak edib.
Layihınin rəhbəri fəlsəfə
doktoru İlqar Orucov seminar iştirakçılarına layihənin məqsəd və vəzifələri,
layihə çərçivəsində qarşıya qoyulan hədəflər haqqında məlumat verib.
Bildirib ki, layihənin əsas məqsədi Oğuz, Şəki, Qəbələ və İsmayıllı rayonlarının kəndlərində
aztəminatlı gənc ailələr, gənc kənd sakinləri arasında kənd yaşıl turizmini
stimullaşdırmaqla onların məşğulluğunun təmin edilməsinə və sosial-iqtisadi
göstəricilərinin artmasına, kəndliləri yeni peşə və ixtisaslara
həvəsləndirməklə regionlardakı vətəndaşların özünü və öz imkanlarını
reallaşdırmaq bacarıqlarının formalaşdırmaq və eyni zamanda yeni iş yerlərinin
yaradılmasını stimullaşdırmaqdır. Layihənin vəzifələri aztəminatlı gənc
ailələr, gənc kənd sakinləri arasında kənd yaşıl turizminin inkişaf etdirilməsi
məqsədilə maarifləndirmə fəaliyyətinin təşkilindən, kənd yaşıl turizminin
inkişafının yeni metod və vasitələrinin təbliğ edilməsindən və regionlarda kənd
yaşıl turizm mədəniyyətinin formalaşdırılmasından, yerli hakimiyyət
qurumlarının diqqətinin kənd yaşıl turizminin inkişafına və bununla bağlı
infrastrukturun yaradılmasına yönəltməkdən, aztəminatlı gənc kənd sakinlərinin
gələcəkdə məşğulluğunun təmini üçün onlar arasında yerli kadr potensialının
formalaşması, onların kənd yaşıl turizmi ilə bağlı yeni peşələrə yiyələnməsinə
dəstək olmaqdan ibarətdir.
Layihənin eksperti fəlsəfə doktoru Ruslan Rəhimli
seminar iştirakçılarına kənd turizminin, ümumilikdə turizmin dünya iqtisadiyyatındaki
önəmi, ölkələrin və cəmiyyətlərin sosial-iqtisadi vəziyyətinin
yüksəldilməsinədki rolu haqqında məlumatlar verib və qeyd edib ki, Ümumdünya
Turizm Təşkilatının hesablamarına görə 2020-ci ildə turizm gəlirləri 2 trilyon
dollar, bunun da 20% ə qədəri kənd turizminin payına düşəcək. İnkişaf sürətinə
və gəlirlərə görə turizm iqtisadiyyatın əksər sahələrini üstələyərək neft və
neft məhsulları ticarəti və avtomobil satışından sonra 3-cü yeri tutur. R.Rəhimli
turizm növləri – aqroturizm, etnoturizm, Djayloo turizm, ekoturizm, ekstremal
turizm, tibbi turizm, rekreasiya turizmi, nostalji turizmi, məcara turizmi,
mədəni-idrak turizmi və kənd turizmi haqqında iştirakçılara geniş məlumat
verib. Ekspert kənd turizmi ilə məşğul olmağın yerli kənd sakinləri üçün böyük
imkanlar açdığını, onların yeni peşəyə yiyələnməsi, məşğulluğunun təmin
edilməsi üçün önəmindən danışaraq qeyd edib ki, kənd turizminin inkişafı
kəndlərin sosial-iqtisadi inkişafında, əhalinin iş yerləri ilə təminatında,
ərazilərin təbii-iqtisadi potensialından səmərəli istifadə edilməsində
əhəmiyyətli rol oynayır. Kənd turizminin inkişaf etidirilməsində məqsəd
regionların təbii-coğrafi, sosial-iqtisadi və demoqrafik potensialından,
mədəni-tarixi abidələrdən istifadə edilməsi ilə yanaşı, əhalinin istirahəti və sağlamlığının
bərpasının təşkili, turizm sənayesində
kəndlərin rolunun yüksəldilməsi, bununla əlaqədar xarici turistlərtin
regionlara cəlb edilməsi və bu sahədən əldə edilən gəlirlərin artırılmasıdır.
Seminarlar qarşılıqlı dialoq və disput şəklində
davam edib və iştirakçıların sualları cavablandırılıb.