Dünyanın 5000-dən çox aşbazı "fransızsayağı şam yeməyi” təklif
etmək üçün yenə də bir araya gəlirlər. Artıq beşinci buraxılışdır ki, 150-dən
çox ölkədə və 5 qitədə qeyd edilən Goût de / Good France tədbiri Fransanın
xaricdəki səfirliklərini və dünya aşpazlarını bir araya toplayır.Fransız
mətbəxinin mükəmməlliyini, yenilik bacarığını və bunlara bağlı dəyərləri -
paylaşmağı, zövqü, məhsulların keyfiyyətinə diqqəti, yemək mədəniyyətini və
ətraf mühitə hörməti tanıtmaq üçün fürsət kimi dəyərləndirilən bayram yenə də
insanlara əsil fransız zövqünü yaşadacaq.
Fransa
Səfirliyində keçirilən mətbuat konfransında Fransanın Azərbaycandakı səfiri
Oreliya Buşez Qastronomiya bayramının
keçirilməsinin əsas məqsədinin fransızsayağı yaşam tərzini, yerli məhsullardan
istifadəni, Fransanın mistik tərəflərini daha da önə çıxarmaqdan ibarət
olduğunu bildirdi: "Bizim qastronomiyanın zənginliyi turizm sektoruna böyük
təsir göstərir. Bu da ÜDM-in 7 faizini təşkil edir. 2016-cı ildə Fransaya 82
milyon turist gəlib, 2020-ci ildə bu rəqəmin 100 milyona çatacağı gözlənilir.
Fransaya gələn turistlər daha çox ölkənin qastranomiyasını seçirlər”. Səfir
Azərbaycan turistlərinin də Fransya böyük marağı olduğunu qeyd edərək
Qastronomiya bayramının ölkəni görməyən insanlarda daha da maraq yarada
biləcəyinə əminliyini ifadə etdi: "Məqəsdimiz insanların fransız təamlarını
dadaraq Fransaya səfər etməyə onlara həvəsləndirmək və restoranlar vasitəsi ilə
mətbəximizin zənginliyini nümayiş etdirməkdir. Bilirik ki, hazırda Azərbaycanda
turizm sektoru çox dinamikdir və inkişaf edir. Bizim də bu inkişafa töhfəmiz
olsun deyə, bu bayramı keçiririk. Bilirsiniz ki, xarici qonaqları cəlb etməyin
əsas yollarından biri də qida zınginliyidir”. Xanım Buşez qeyd etdi ki, bayram
günlərində hər bir restoranın təqdim edəcəyi mətbəxdə daha çox Azərbaycanın
yerli məhsullarından istifadə olunacaq: "Azərbaycanda yüksək keyfiyyətli yerli
məhsullar var. Buna görə də restoranlar bu məhsullara üstünlük verirlər”.
L”Avenue
restoranının şef aşpazı Ruslan Alsevskis fransız mıətbəxini təqdim etməkdən
qürur duyduğunu bildirdi: "Əminəm ki, insanlar həmişəki kimi yenə də fransız
mətbəxindən zövq alacaqlar”.. "Bistro” restoranının şef aşpazı Yaqub Mahmudov
fransız mətbəxinin zənginliyini önə çəkdi: "Fransız mətbəxi həmişə zənginliyi
ilə diqqət çəkir. Bu baxımdan, insanlar həmişə fransız mətbəxinə maraq
göstərirlər. Əminəm ki, bayram günlərində də restoranımızı təşrif gətirməklə bu
təamları böyük məmnunluqla dadacaqlar”.
Tədbir
iştirakçıları fransız mətbəxinin təamları ilə tanış oldular.
Qeyd edildi ki, paytaxtın beş restoranı
9-16 mart 2019-cu il tarixlərində fərqli günlərdə fransız
mətbəxindən ibarət təamları təqdim edəcəklər.
Bakı 12°C
