Bakı 23°C
“Fidan və Qoğal” uşaq tamaşası
YARAT Freestyle və Bakı Uşaq Teatrı "Fidan və
Qoğal” tamaşasını təqdim etdi. Tamaşa maraqla qarşılanıb.
"Fidan və Qoğal”
tamaşasında dəcəl qızcığaz Fidan nənəsinin ona bişirdiyi Qoğalın başına gələn
əhvalatları izləyir. Fidan və dostları – Nazbalıncla Yorğan evdən qaçmış
Qoğalın arxasınca meşəyə üz tuturlar. Meşədə şahidi olduğu hadisələrdən sonra
bir sıra mətləbləri anlayan Fidanın timsalında tamaşaçılara nəsihətamiz
fikirlər aşılanır.
Qeyd edək ki, tamaşanın müəllifi
Arzu Soltan, quruluşçu rejissor – İntiqam Soltandır. Tamaşada rolları ifa
edirlər: Fidan – Türkan Şahmarlı, Baba – Qurban Əhmədov, Qoğal – Günay
Pirizadə, Nazbalınc – Könül Şahbazova, Yorğan – Rəfael Muradxanlı, Dovşan –
Ədalət Ağaverdizadə, Ayı – Niyaz Qasımov, Tülkü – Cavanşir Məhərrəmov.
