Fəlakətin filmi də çəkilir - Fotolar
İlin ən gözlənilən, absurd və sürpriz komediyasının
çəkilişləri sona çatdı. Öz yaratdığı obrazı milyonlara sevdirən aktyor Elşən
Orucovun təqdimatında "Fəlakət” kinokomediyası tamaşaçılara təqdim olunacaq.
Fəlakətin iştirakı olan kinokomediyanın çəkilişləri
2018-ci ilin Mart-Aprel aylarında həyata keçirilib. Bu dəfə Fəlakətin yanında ənənəvi
dostlarını görməyəcəksiniz. Çünki Fəlakət onları tanımır. O, gözəl, rəngarəng və
maraqlı qonşularının ətrafında, sevimli məhəlləsində
sakit həyat tərzi sürür. Lakin bir gün bu məhəlləni bir iş adamı sökmək istəyir,
Fəlakət isə bu məsələyə birmənalı olaraq razı deyil.
Fəlakətin
sevimli məhəlləsində başına gələn gülməli hadisələrin gedişiyyatını tamaşaçılar
kinoteatrlarda yalnız 2018-ci ilin payızında görə biləcəklər. Filmi ərsəyə gətirmiş
ARTFİLMBAKU şirkətinin rəsmisi, filmin hələ montaj-səsləndirmə prosesində
olduğunu bildirib.
Qeyd edək
ki, filmin Quruluşçu Rejissoru – Emil Quliyev, Quruluşçu Operatoru – Orxan Abbasov,
Quruluşçu rəssamı Arif Niftiyev, İcraçı və Kreativ prodüseri Azər Aydəmir,
İkinci rejissoru Çingiz Həsənov, Baş prodüseri isə Məmməd Məmmədovdur.
Rollarda isə Elşən Orucov, Azər Aydəmir, Orxan Ata,
Solmaz Süleymanlı, Tural Əzizov, Nofəl Şahlaroğlu, Ülvi Həsənli, Taleh Yüzbəyov
Ləman Mərrih, İqrar Salamov, Nahid Kərimli, Zaur Baliyev, Nəsibə Eldarova və
başqaları çəkiliblər .