Bakı 22°C
Ermənilər aprel döyüşlərində 20-dən çox post itirdiklərini etiraf edirlər
Serj Sarkisyanın mətbuat konfransı işğalçı ölkədə gərginliyə səbəb olub
Azərbaycanlıların Xocalıda kütləvi qırğınının təşkilatçılarından biri, Qarabağ klanının lideri, eks-prezident və eks-baş nazir Serj Sarkisyanın 2016-cı ilin aprel uğursuzluğu barədə keçirdiyi mətbuat konfransı erməni cəmiyyətində şok effekti doğurub. Əksəriyyət hesab edir ki, Sarkisyan bununla da ona qarşı açıq siyasi hücuma başlayan baş nazir Nikol Paşinyanın komandasına qarşı informasiya mübarizəsinə start vermiş olub. "Vestnik Kafkaza”nın əməkdaşı ilə söhbətində Siyasi və iqtisadi kommunikasiyalar Agentliyinin analitiki Mixail Neyjmakov Sarkisyanın son iki ildə ilk dəfə olaraq hazırkı hakimiyyəti tənqid etməsini və özünüiflas seansını şərh edib. Analitik ilk növbədə hərbi cinayətkarı mətbuat konfransı keçirməyə vadar edən səbəbləri açıqlayıb. "2020-ci ilin avqust ayında Serj Sarkisyanın fəaliyyətinə bağlı bütöv bir informasiya şəbəkəsi, o cümlədən Livandakı erməni icmasına kömək və gələcək planları ilə bağlı videomüraciət daxildir. Məsələ ondadır ki, eks-prezident sentyabr ayında birdən-birə üç neqativ informasiya kampaniyasının zərbəsi altına düşə bilər. Bu səbəbdən də birinci özü zərbə vurmaq istəyib. Yaddan çıxarmaq lazım deyil ki, bu işlə bağlı məhkəmə prosesi davam edir. Bundan əlavə, məhz sentyabr ayında 2016-cı il aprel hadisələri ilə bağlı parlament təhqiqatının nəticələri elan ediləcək. Digər tərəfdən, payızda narazı əhval-ruhiyyənin aktiv dövrü olacaq. Bütün bunlar isə pandemiya və iqtisadi böhranla dərinləşə bilər. Sarkisyan başa düşür ki, bu fonda da Nikol Paşinyan komandasının fəaliyyəti daha sərt (intensiv informasiya hücumlarından tutmuş adı çəkilən məhkəmə prosesi ətrafında yaşanan rezonansa kimi) ola bilər. İstisna deyil ki, eks-prezidentə qarşı məhkəmə prosesində yeni ittihamlar ortaya çıxsın. Sarkisyan ümid edə bilər ki, virus və böhran Paşinyanın ittihamlarını kölgədə qoya bilər”, - deyə Neymjakov bildirib. Analitik istisna etmir ki, yaxın gələcəkdə Ermənistanda siyasi böhran baş verə bilər: "Sarkisyan da anlayır ki, qeyri-sabit şəraitdə ən yaxşısı aktiv siyasətçi olmaqdır. Bu, minimum digər müxalif oyunçular, eləcə də, hakimiyyətlə danışıqlarda öz mövqeyini ortaya qoymağa imkan verəcək. Yeri gəlmişkən, Ermənistanda keçmiş birinci şəxslərin aktiv siyasətə qayıtması nümunələri vardır. Məsələn, Levon Ter-Petrosyan və Ermənistan Kommunist Partiyasının birinci katibi Karen Dəmirçiyanı xatırlamaq olar”, - deyə Siyasi və iqtisadi kommunikasiyalar Agentliyinin aparıcı analitik bildirib. O, hesab edir ki, "Sarkisyan yeni siyasi kampaniyaya başlamaqla Ermənistanın aprel uğursuzluqları ilə bağlı ona ünvanlanan suallara birbaşa cavab vermək istəyib. "Daxili siyasi vəziyyətin gərginləməsi daha radikal şüarların səslənməsinə gətirib çıxarır. Bu isə hər zaman tək mövcud hakimiyyətə qarşı deyil, həm də hakimiyyətdə olanlara ünvanlanan çağırışdır”. "1in.am” yazır ki, Sarkisyanın söylədiklərinə baxmayaraq, dördgünlük aprel savaşı Ermənistanın köhnə miflərdən uzaqlaşmağına kömək etdi. "Hərbi-siyasi elitanın istedadsızlığını, köməksizliyini üzə çıxardı”, - deyə məqalədə bildirilib.
Yeri gəlmişkən, hazırda erməni mediası diqqəti Sarkisyanın mətbuat
konfransında səsləndirdiyi fikirlərə yönəldir. "Artıq dörd ildir bellə mübarizə
aparan, ac və gülləsiz qalmış əsgərlər və dizel yanacağı əvəzinə su ilə
doldurulmuş zirehli texnika haqqında miflər, tamamilə yalanlar yayılır. Bu,
hətta siyasi hədəflərə çatmaq baxımından da ayıbdır”, - deyə Ermənistanın üçüncü
prezidenti Serj Sarkisyan deyib. Maraqlıdır ki, məhz onun tərəfindən təyin
olunmuş yüksək vəzifəli şəxs Ermənistan parlamentindən keyfiyyətsiz dizel
yanacağı haqqında çıxış edib. Söhbət Ermənistanın keçmiş baş naziri Karen
Karapetyandan gedir. Karapetyan 2017-ci il martın 1-də parlament-hökumət
sual-cavabı zamanı bildirib ki, keyfiyyətsiz yanacaq səbəbilə ötən ilin Aprel
döyüşləri zamanı erməni tərəfinin hərbi texnikası işləməyib. Belə çıxır ki,
Serj Sarkisyan öz komanda yoldaşı tərəfindən səslənmiş tənqid haqqında danışır,
ancaq bunun üçün başqalarını ittiham edir.
Serj Sarkisyanın xüsusi mətbuat konfransı çağırıb 2016-cı ilin aprel
müharibəsində erməni ordusunun "qalib gəldiyi” barədə danışmasından sonra ona
hakim partiyadan ifşaedici cavab verilib. Baş nazir Paşinyanın "Mənim addımım”
partiyasından deputat, aprel müharibəsini araşdıran parlament komissiyasının
üzvü Armen Xaçatryan bu "qələbə” nəticəsində erməni işğalçı qüvvələrinin
Qarabağda 20-dən çox postu itirdiyini bildirib. "Bu faktdır ki, 2016-cı ilin
aprel müharibəsində erməni tərəfi 20-dən çox mövqeni itirib, bunu müdafiə
sferasındakı keçmiş və indiki məmurlar parlament istintaq komissiyasına təsdiq
ediblər”, - deyə Armen Xaçatryan "Azadlıq” radiosunun erməni xidmətinə
bildirib. S.Sarkisyan 3 saata yaxın çəkən mətbuat konfransında həmin istintaq
komissiyasının rəhbəri Andranik Koçaryanın erməni qüvvələrinin aprel
müharibəsində 20-dən çox mövqe itirdiyinə dair dediklərini inkar edib. Amma
neçə mövqe itirildiyini dəqiqləşdirməmişdi. "Parlament komissiyasının sədri
Andranik Koçaryan 20-dən çox mövqenin itirilməsi barədə keçmiş və indiki
hərbçilərin ifadələrinə əsasən danışıb. Yəni o, həmin rəqəmi elə-belə
səsləndirməyib, bu haqda komissiyaya dəvət olunmuş adamlar danışıblar,
komissiyanın işinin nəticəsində həmin rəqəm ortaya çıxıb. Bəli, mən də təsdiq
edirəm ki, 20-dən çox mövqe qarşı tərəfin əlində qalıb, həmin mövqelər arasında
elələri var ki, strateji əhəmiyyət daşıyır. Hərçənd mövqe mövqedir, lakin elə
mövqe var ki, stratejidir”,-Xaçatryan belə deyib.
İstintaq komissiyasının digər üzvü, müxalif "Çiçəklənən Ermənistan”
fraksiyasından deputat Rubik Stepanyan da təsdiq edir ki, erməni tərəfi aprel
müharibəsində 20-dən çox mövqe itirib, amma Serj Sarkisyanın bunu niyə inkar
etdiyini anlamır."Əslində biz həmin mövqeləri itirmişik, həmin mühüm mövqeni də itirmişik, amma o niyə bunu inkar edir, anlamıram”, - Stepanyan deyib. O dəqiqləşdirib ki, itirilən mövqelərin sayının 20-dən çox olduğunu aprel komissiyası təsdiqləyib.
Azər NURİYEV
