AZƏRBAYCANDA KORONAVIRUSLA BAĞLI XƏBƏRLƏR

Elektrik enerjisi, qaz və buxar istehsalı sektorunda istehsal artıb

Elektrik enerjisi, qaz və buxar istehsalı sektorunda istehsal artıb

İqtisadiyyat
29 Mart 2020, 19:51 179
Yanvar-fevral aylarında elektrik enerjisi, qaz və buxar istehsalı, bölüşdürülməsi və təchizatı sektorunda 385 milyon manatlıq məhsul istehsal olunub və xidmətlər göstərilib.
Dövlət Statistika Komitəsindən AZƏRTAC-a bildirilib ki, əvvəlki ilin eyni ayları ilə müqayisədə istehsalın həcmində 18,6 faiz artım müşahidə olunub.
İki ayda su təchizatı, tullantıların təmizlənməsi və emalı sektorunda istehsal olunmuş məhsulların dəyəri 4,3 faiz artaraq 48,6 milyon manat təşkil edib.
Sənaye məhsulunun 5 faizi elektrik enerjisi, qaz və buxar istehsalı, bölüşdürülməsi və təchizatı sektorunda, 0,6 faizi isə su təchizatı, tullantıların təmizlənməsi və emalı sektorunda istehsal olunub.
Fevralda elektrik enerjisi, qaz və buxar istehsalı, bölüşdürülməsi və təchizatı və su təchizatı, tullantıların təmizlənməsi və emalı sahələri üzrə sənaye məhsullarının istehsalçı qiymətləri indeksi əvvəlki ayla müqayisədə 100 faiz təşkil edib.