Dövlət Dumasında faşist əlaltısı Njdenin abidəsinin uçurulması tələbi səsləndirilib
Rusiya Dövlət Dumasında "Faşizmin qəhrəmanlaşdırılması
və neonasizmin dirçəlməsi ilə mübarizə: qanunverici aspektlər” mövzusunda Dəyirmi
masa keçirilib.
Tədbirdə Dövlət Dumasının deputatları, Federasiya Şurasının və
İctimai Palatanın üzvləri, Rusiya prezidentliyinə namizədlər, politoloqlar,
ekspertlər və kütləvi informasiya vasitələrinin nümayəndələri iştirak ediblər. Dəyirmi
masanın gedişində politoloq Sergey Markov, Dionis Kaptar və digərləri dəfələrlə
diqqəti bir fakta yönəldiblər ki, Ermənistan bu gün faşist əlaltısı, satqınları
dəstəkləyən və onlara abidələr ucaldan
ölkələr siyahısına daxil olub. Halbuki rəsmi Yerevan özünü Moskvanın strateji
müttəfiqi kimi göstərməyə çalışır.
Tədbirdə həmçinin faşizmin ideyalarının təbliğinə
qarşı keçirilən petisiyadan söz açılıb. Qeyd edilib ki, bu petisiya 200 min
imza toplayıb. Dəyirmi masa zamanı Yerevanda faşist əlaltısı Qaregin Njdeyə
qoyulan abidənin uçurulması barədə tələblər səslənib.
Sonda müvafiq
təkliflər hazırlanacaq, eləcə də, nasizm və faşizm ideyalarının təbliğinin qanunvericiliklə
qadağan edən tədbirlər paketi hazırlananaq.