Dünyanı dolaşan SƏS - Portret - Fotolar
Onun
mahnıları bu gün təkcə fondlarda, musiqi arxivlərində ən qiymətli nəsnə kimi
qorunmur, həm də, milyonlarla insanların ürəklərində yaşayır. Anamızın laylası
qədər, həm də o şirin mahnıların musiqisi ilə böyümüşük. O ecazkar mahnıların
zümzüməsi ilə boy atmışıq. "Ana”, "Lalələr”, "Gözəlim sənsən”, "Sevgilim,
"Bakının ulduzları”, "Küçələrə su
səpmişəm, "Anacan”, "Sənə də qalmaz”, "Sevgi mahnısı”... kimi unudulmaz
mahnılar neçə-neçə qəlblərin pünhan duyğularını dilləndirib. Qara Qarayev, Tofiq Quliyev, Fikrət Əmirov, Səid Rüstəmov, Vasif
Adıgözəlov, Arif Məlikov və digər dünya şöhrətli bəstəkarların mahnılarına
əbədilik qazandırıb onun ifası. Bu gün bu mahnıları ömründə heç olmasa
bircə defə eşitməyən insan çətin tapılar.
SSRİ
Xalq artisti, Sosialist Əməyi qəhrəmanı Rəşid Behbudovun ecazkar səsi ölkəmizin sərhədlərini
aşıb bütün dünyaya yayılıb. Uzaq Afrıkadan, Hindistandan, Kubadan,
Argentinadan, Çilidən eşidilib, dilini başa düşmədiyi insanları belə ovsunlayıb
o sehirli səs.
Müğənninin çəkildiyi və səsi yazılmış bədii və sənədli filmlər
ekranlarımızda dəfələrlə göstərilməsinə baxmayaraq, hələ də tamaşaçılar onları
sonsuz maraqla izləyir, ekran qəhrəmanlarına sevə-sevə
baxırlar.
Ot kökü üstə
bitər
Ailələrinin dərin musiqi kökləri vardı. Atadan
oğula irsən keçmişdi musiqi qabiliyyəti.
Onların hər biri xalqı öz musiqisinin arxasınca aparmağı bacardı. Minlərin,
milyonların ürəyini əvəzsiz ifaları ilə fəth edə bildilər. Behbudovlar nəsli
zaman-zaman musiqi sənətimizə başucalığı gətirdi, musiqimizin dünyada
tanınmasına kömək etdi.
Babasının Şuşada bəzzaz dükanı vardı.
Atası Məcid cavanlığında, hələ Qarabağda yaşadığı vaxtlarda arşın malı satar,
başsız qalmış ailəni dolandırardı. Gənc Məcid varlı xanımların malikanəsinə
arşın malı aparanda şəhərin küçələrində "Ay arşın malı alan"- deyə "Segah”
və "Bayatı” üstündə oxuyar, xoş səsi ilə müştərilərin diqqətini cəlb edərdi.
Ancaq günlərin birində o, arşınmalçılığın daşını atıb xanəndə oldu. Məcid
Qafqazda xalq mahnılarının mahir ifaçısını çevrildi. Onda bilmədi ki, tale bu
zarafatı bir də təkrarlayacaq, haçansa oğlu da "arşınmalçı” olacaq.
Qonşuları tarzən Rzabala qovaq ağacının altında salınmış
palazın üstündə oturub çalardı. Məcid el havaları, muğam oxuyardı. Rəşid hər
şeyi unudub dinləyərdi. Onda 7-8 yaşı vardı. Qardaşı Ənvər klarnet, bacısı
Nəcibə piano çalardı. Rəşid isə nə bir musiqi aləti çalır, nə də oxuyurdu.
Dərsdən gələn kimi bostana qaçırdı. Onunku gül-çiçək, qovun-qarpız tağları idi.
Qızıl gülləri bir dərsə gedəndə sayardı, bir də gələndə sayardı ki,
dərib-eləyən olmasın. Bir gün böyük qardaşı Ənvər qaça-qaça gəlib "Ata, xəbərin
var, Rəşid oxuyur, özüm gördüm” deyəndə hamı sevincdən donub qalır.
- Nə oxuyur, a bala, harda gördün?
- "Müctəhid bağında”.Uşaqlar
yığışmışdı başına.Sən oxuyan bir hava var e, onu oxuyurdu, özü də lap sənin kimi.
"Gec-tez oxumalıydı da. Mənim oğlum deyil, qadan
alım!”- deyə Məcid kişi sevinclə dillənir.
Anası Firuzə xanım 42 yaşında qəflətən
vəfat edəndə Rəşidin 16 yaşı vardı.Elə həmin illərdə o,
Tbilisidə "Teo-caz” adlı kiçik caz ansamblı yaradır.O dövrdə ansamblı bütün ittifaqda
məşhur olan Ayvazyan bunu görüb Rəşidi öz ansamblına dəvət edir. O, Ayvazyanın
caz-bəndi ilə bütün ölkəni dolaşır.Cəbhədə konsertlər verir.Bakıda qastrol səfərində olanda burada qalmaq qərarına gəlir.Həm də ki, onun
qohum-əqrəbası - Vəkilovlar burada yaşayırdı.Tezliklə Rəşidin
səsi və zahiri görkəmi Bakını fəth edir.Çox keçmir ki, lap nağıllardakı kimi
xoşbətlik quşu başına qonur - Rza Təhmasib onu "Arşın malalan” filminə
dəvət edir.
Bizim "Arşın
mal alan”
Rəşid Behbudov 1945-ci ildə həmin filmdə Arşınmalçı
rolunda çəkilir və bu filmonaəbədişöhrət
gətirir. "Əsgər
rolu Rəşid Behbudovun oynadığı ilk roldur.Rəşid öz gözəl, lirik səsilə estradasəhnəsində
SSRİ-nin bir çox şəhərlərində sevilmiş və dəfələrlə alqışlanmışdı. Əsgər onun
ilk rolu olmağına baxmayaraq, Behbudovun bir kino aktyoru kimi böyük ümidlər
verdiyini göstərir...”- deyə filmin ssenari müəllifi Sabit
Rəhman "Azərbaycan kinematoqrafiyasının təntənəsi” məqaləsində aktyorun oyununu
qiymətləndirirdi. Çəkilişlər zamanı atasının ölüm ayağında olması haqqında
kinostudiyaya teleqram gəlir.R.Behbuov
geyimini dəyişmədən, qrimini belə təmizləmədən yol maşını ilə Qazağa tələsir.Gəlib çatanda görür
ki, atası eyvanda oturub çay içir."Mənə dedilər ki, indi sən məşhur müğənni olmusan, kinoda
çəkilirsən.Mən də yoxlamaq istədim görüm, düzdür, ya yox”, - deyə atası dillənir.
Bu hadisədən birazsonra
ikinci teleqram gəlir.Bu dəfə atası həqiqətən vəfat etmişdi.
Rəşid Behbudov bu filmdən sonra qısa
bir vaxt ərzində məşhurlaşır, eyni zamanda, film Azərbaycanı bütün dünyaya
tanıtdırır.Bir
fin tamaşaçısı filmdən aldığı təəssüratı baş rolun ifaçısı R.Behbudova:
"Azərbaycanlılar nə gözəl xalqdır...” - deyə bölüşür.
Rəşid Behbudov söhbətlərinin birində demişdi: "Mən
dünyanın hər hansı bir ölkəsində konsert proqramı ilə çıxış edəndə tamaşaçılar
məni hər şeydən əvvəl "Arşın malalan” filminin qəhrəmanı tacir Əsgər kimi alqışlayırdılar” -
deyib.Doğrudan
da, filmdə ifa olunan, dünya ekranlarında məharətlə səslənən mahnı uzun illər
müğənninin "vizit vərəqəsinə” çevrilir.Film 50-dən çox
ölkədə nümayiş etdirilir. 1946-cı ildə filmdəki Əsgər
roluna görə Rəşid Behbudov "Stalin” mükafatına layiq görülür.
"Arşın
malalan”ın
ekranlara çıxmasının 40 illiyi münasibətilə Bakının "Bahar” yay kinoteatrında
keçirilən təntənəli gecədə R.Behbudov Çin dilində Əsgərin ariyasını özünəməxsus
ustalıqla oxuyur, sonra çıxış edərək: "Filmin yubileyini biz sovet kinosu
günündə bayram edirik. Fikrimizcə, bu, təsadüfi deyil, çünki "Arşın malalan” -
Azərbaycan kino sənətinin əsl, keçən on illər ərzində solmayan və həmişə yaşayacaq
bayramıdır. "Arşın malalan” Azərbaycan kinosunun bütün dünyada bayrağı oldu. Bizim
"Arşın malalan”
dünya ölkələrinin ekranlarını gəzdi.Çox vaxt öz konsertlərimlə filmin arxasınca getməli olurdum və
Əsgər mənim ən gözəl "vizit vərəqəm” idi" - deyir. Azərbaycan kinosunun qızıl fonduna daxil olan həmin film 60 ildən
çoxdur ki, müvəffəqiyyətlə nümayiş etdirilir.
R.Behbudovun Azərbaycan milli kinematoqrafiyasının
inkişafında xidmətləri təkcə "Arşın malalan” kinokomediyası ilə bitmir. O, həmçinin "Bəxtiyar”
filmində, "1001-ci qastrol”, "Doğma xalqımıza”, "Toyda görüş”, "Abşeron
ritmləri” film-konsertlərində, bir çox sənədli filmlərdə və kinojurnallarda
çəkilib.
1951-ci ildə Rəşid Behbudov Çinə
qastrol səfərinə gedir.Azərbaycanlı müğənni Sovet İttifaqından bu ölkəyə gəlmiş ilk sənətçi
idi.Çində "Arşın mal alan” filmi "Örtüksüz məhəbbət” adı ilə nümayiş
etdirilərək çox məşhurlaşmışdı.Ona görə də Rəşid Behbudovu o ölkədə hamı tanıyırdı.
Məşhurluq onu addımbaşı izləyirdi."Bəxtiyar"
filmi isə bu populyarlığın yeni dalğası idi.Üstəlik,
Tofiq Quliyevin mahnıları, solo konsertlər, laureatlıq...İfaçılıqda xalq yaradıcılığını,
vokal sənətini, estrada janrını sintez edən Rəşid Behbudov təkraredilməz,
məlahətli səsi, xarici görünüşü və aktyorluq istedadı ilə dinləyicinin və
tamaşaçının qəlbini ovsunlamaqda davam edirdi.
Dünyanı gəzən ansambl
R.Behbudov
uzun illər Müslüm Maqomayev adına Azərbaycan Dövlət Filarmoniyasının,
Azərbaycan Dövlət Akademik Opera və Balet Teatrının solisti kimi çalışır.
1966-cı ildən musiqi və estrada sənətinin caz, balet, pantomim kimi müxtəlif
janrlarını özündə birləşdirən Azərbaycan Dövlət Mahnı Teatrını təşkil edir və
ömrünün sonunadək onun solisti və bədii rəhbəri kimi ölkımizi dünyada tanıdır.
Hazırda böyük sənətkarın adını daşıyan Mahnı Teatrı vaxtilə SSRİ-də ilk belə teatr idi.Müğənni həmin ansamblla 60-dan çox ölkəni gəzir, O,
xarici ölkələrdə verdiyi konsertlərdə yerli xalqların dilində oxuyur, heyrət
nidaları və alqışlarla qarşılanırdı.R.Behbudovun özünün çəkdiyi və filmə daxil edilmiş kinoxronikadan
aydın olur ki, İran səfəri zamanı verdiyi konsertlərdən yığılan vəsaiti
Tehranda Gənclər evinin konsert salonunun tikintisinə hədiyyə edir.İran gənclər naziri
çıxışında 1962-ci ildə Tehranda tikilən dəbdəbəli konsert kompleksi vaxtilə
onun şərəfinə "Rəşidiyyə” adlandırıldığını bildirir.
"Mən İranda ilk qastrol səfərində olarkən çox
varlı, məşhur adamlardan birinin evində qonaq oldum" - deyə R.Behbudov
sonralar öz həyat yoldaşına danışıb: "Mənim soyadımı eşidəndəevsahibəsi o saat soruşdu: "Sən kimin
oğlusan?" Mənkimolduğumu
söyləyəndə, o ağladı.Sən demə, qadın vaxtilə onun toyunda oxuyan xanəndənin oğlunu
gördüyündən kövrəlibmiş”.
Çilidə olarkən R.Behbudov bir çox şəhərlərdə
konsertlər verir. Hətta partizanlar onu öz kollektivi ilə birgə dağlara
aparırlar. Burada R.Behbudov və onun həmkarları 4200 metr hündürlükdə konsert
verir, antraktlarda isə isti çay içmək əvəzinə oksigen yastığı ilə nəfəs
alırdılar. Həmin səfərdə iştirak edən Boris Brunovun dediyinə görə, üç ay
ərzində kollektiv tərəfindən 85 konsert verilib və həmin konsertlərdə bir neçə
yüz min tamaşaçı iştirak edib. R.Behbudov Çilidə Milli Qəhrəman Viktor Xara ilə
tanış olur və onlar birlikdə mahnılar ifa edirlər.
Azərbaycan musiqi tarixinin ən şərəfli
səhifələrdəndən olan Rəşid Behbudovun sənəti 14 dekabrda – görkəmli sənətkarın
100 illik yubileyinin qeyd edildiyi Heydər Əliyev Sarayında bir daha anıldı. İllər
keçir, ancaq Azərbaycan musiqisinin, onun zəngin mədəniyyətinin yorulmaz
təmsilçisi və təbliğatçısı olan sənətkar unudulmur. Sənətin böyüklüyü də
budur...
Təranə Məhərrəmova