• çərşənbə axşamı, 19 mart, 10:54
  • Baku Bakı 8°C

Azərbaycan prezidenti Ərəb-İslam-Amerika Sammitində iştirak edib - Fotolar

21.05.17 21:17 1460
Azərbaycan prezidenti Ərəb-İslam-Amerika Sammitində iştirak edib - Fotolar
Mayın 21-də Səudiyyə Ərəbistanı Krallığının paytaxtı Ər-Riyad şəhərində Ərəb-İslam-Amerika Sammiti keçirilib.
APA-nın məlumatına görə, Azərbaycan prezidentiİlham ƏliyevSammitdə iştirak edib.
Ərəb və İslam ölkələri rəhbərlərinin, həmçinin ABŞ prezidenti Donald Trampın iştirak etdikləri Sammit "Birlikdə güclüyük” devizi altında keçirilib. İlk dəfədir təşkil edilən bu tədbirdə iştirakçı ölkələrin qlobal təhlükəsizliyin, sabitliyin təmin edilməsində, zorakılıq, terrorizm və ekstremizm ilə mübarizədə rolu və bu sahədə mövcud əməkdaşlığın daha da dərinləşdirilməsi barədə müzakirələr aparılıb. Sammit iştirakçı ölkələr arasında işgüzar, mədəni və siyasi əlaqələrin tolerantlıq və əməkdaşlığa müştərək inam vasitəsilə daha da gücləndirilməsinə xidmət edir. Tədbirin məqsədlərindən biri də ölkələr arasındakı münasibətlərdə yeni başlanğıcın və hamı üçün daha parlaq gələcəyin təməlinin qoyulmasıdır.




banner

Oxşar Xəbərlər