AZƏRBAYCANDA KORONAVIRUSLA BAĞLI XƏBƏRLƏR

Xızıda daha 45 ədəd partlamamış hərbi sursat aşkarlanıb

Xızıda daha 45 ədəd partlamamış hərbi sursat aşkarlanıb

Təfsilat
01 Sentyabr 2017, 10:30 534
Xızı rayonu ərazisində yerləşən Müdafiə Nazirliyin N saylı hərbi hissəsinin sursat anbarında baş vermiş partlayışla əlaqədar Azərbaycan Respublikası Ərazilərinin Minalardan Təmizlənməsi Üzrə Milli Agentliyin (ANAMA), FHN və DİN-in birgə keçirdiyi təmizləmə əməliyyatları barədə məlumat yayılıb.  
 
ANAMA-dan APA-ya verilən xəbərə görə, 31 avqust tarixində hərbi hissənin ətrafına, 12 evin həyətyanı sahəsinə, 1 su stansiyasının yaxınlığına, 1 ferma ərazisinə, 2 otlaq sahəsinə və eko-turizmin həyətinə baxış keçirilmiş, 45 ədəd partlamamış hərbi sursat (PHS), 12 ədəd partlamış-yanmış raketin qalıqları, 108 kq yandırma aşkar olunaraq götürülüb, nəticə etibarilə 547 800 kv.m (54.78 ha) ərazi yoxlanılıb.
 
Ümumiyyətlə, 5 gün ərzində 5 408 915 kv. m (540.9 ha) ərazi  yoxlanılıb, 295 ədəd partlamamış hərbi sursat, 336 ədəd partlamış-yanmış sursat qalıqları və 457 kq yandırma aşkar olunaraq götürülüb. 
 
Bununla yanaşı, Xızı rayonun Giləzi qəsəbəsi, Stalçay və Şurabad kəndləri ərazisində 2 318 nəfər yerli sakin arasında mina təhlükəsizliyinə dair maarifləndirmə təbliğatı aparılıb.