Vətəndaş müharibəsi astanasında
Ermənistanda ordu-hökumət
gərginliyi ölkəni xaos və böhrana sürükləməkdədir
Ermənistanla bağlı gözləntilər və proqnozlar özünü doğrultmaqdadır. Xaos, ikitirəlik və vətəndaş müharibəsi təhlükəsi bu ölkənin başının üstünü "Domokl qılıncı” kimi kəsdirib. Qarşılıqlı ittihamlar, casus axtarışı, etiraz aksiyaları qonşu dövlətdə adi hala çevrilib. Məğlubiyyətdən dərs çıxarmaq əvəzinə revanşist bəyanatlara üstünlük verən erməni siyasiləri ölkəni, sözün əsl mənasında uçuruma yuvarlayırlar. Baş verən son insident də bunun nəticəsidir. Beləliklə, ötən gündən başlayan ordu-hökumət gərginliyi davam edir. Baş nazir Nikol Paşinyanın istefasını tələb edən nümayişçilər dünən səhər Yerevan mərkəzində çadırlar quraşdırıblar. Müxalifətin "Vətənin xilası hərəkatı”ndan baş nazirliyə namizədVazgen Manukyanəraziyə gəlib. O, vətəndaşlarla söhbətində deyib ki, baş nazirNikol Paşinyanistefaya getməyənəcən gündəlik mitinqlər davam edəcək. Müxalifət lideri qarşıya qoyduqları vəzifənin 90 faiz yerinə yetirildiyini söyləyib. İlkin informasiyaya görə, "Çiçəklənən Ermənistan” və "İşıqlı Ermənistan” müxalifət fraksiyalarının təşəbbüsü ilə parlamentin iclası təyin olunub. Daha öncə təyin olunmuş iclas baş tutmamışdı, çünki hakim "Mənim addımım” fraksiyasının üzvləri iclasa qatılmamışdı. "Radio Azatutyun” Manukyana "Paşinyan bundan sonra istefaya gedə bilərmi?” sualını verib. Manukyanın sözlərinə görə, Paşinyan Baş Qərargahın tələbinin nə demək olduğunu anlamır. "Bu, hökmdür”, – o vurğulayıb. Vazgen Manukyan Paşinyanın dialoq barədə təklifi haqqında suala cavab verərkən deyib ki, baş nazirlə hər hansı məsləhətləşmə aparılmasında məna görmür.
O bildirib ki, hər hansı dialoqun bir məsələsi ola bilər, o da Paşinyanın istefasıdır.
Xatırladaq ki, fevralın 25-də Paşinyan ordu rəhbərliyinin istefa tələblərini rədd edib, ölkədə "çevriliş cəhdi” baş verdiyini deyib. Dünya liderləri isə siyasi böhranın həllindən ötrü tərəfləri de-eskalasiyaya çağırıb. Ermənistan silahlı qüvvələri baş qərargahının rəisi Onik Qasparyanın vəzifəsindən kənarlaşdırılmasına dair baş nazir Nikol Paşinyanın təklifi Ermənistan prezidenti Armen Sarkisyanın ofisinə təqdim olunub.
Prezident baş nazirə qarşı?
Amma prezident qərar verməyə tələsmir. Baş nazirin qərarına cavab vermək üçün prezidentin üç gün vaxtı var.
Ermənistan prezidenti aparatından verilən məlumatda deyilir: "Dövlət
orqanlarının normal fəaliyyət göstərməsi naminə prezident indiyədək vəzifəli
şəxslərin təyinatı və ya işdən çıxarılmasına prinsipial etiraz etməyib. Lakin
hərbi vəziyyətdə və məlum bəyanatdan sonra silahlı qüvvələrin baş qərargah
rəisinin vəzifədən kənarlaşdırılması, sadəcə növbəti kadr dəyişikliyi kimi
qəbul edilə bilməz.” Bəyanatda deyilir ki, indiki situasiyada heç kim
prezidenti siyasi prosesə qatmağa çalışmamlıdır: "Prezidentə hər hansı təzyiq
yolverilməzdir. Prezident heç vaxt heç bir siyasi qüvvəni dəstəkləməyib və
dəstəkləməyəcək. Öz vəzifələrini yerinə yetirən prezident, müstəsna olaraq
dövlətin və xalqın maraqlarından çıxış edir. Prezident Sarkisyan ölkədə
sabitlik mühitinin və dözümlülüyün saxlanmasına xüsusi əhəmiyyət verir”.
Yeri gəlmişkən, Paşinyanın növbədənkənar seçkidən söz açması
tərəfdarlarının narazılığına səbəb olub. O, tərəfdarlarının "Məxməri inqilaba
son!” tələbinə cavab olaraq deyib: "Biz iradəmizi, birliyimizi, qətiyyətimizi
korrupsiyalı rejimə təslim etməyəcəyik. Məxmərə son qoyulacaq!” Daha sonra Paşinyan
müxalifətə müraciətlə deyib: "Mitinqləri davam etdirsəniz, biz də mitinqləri
davam etdirəcəyik. Siyasi bəyanatların sərhədini aşsanız, biz də sizi qanunla
dayandıracağıq”. Baş nazir deyib ki, ya prezident Armen Sarkisyan silahlı
qüvvələr baş qərargahının rəisi Onik Qasparyanın vəzifəsindən qovulması barədə
əmri təsdiq etməli, ya da özü istefaya getməlidir: "Silahlı Qüvvələr: əsgərlər,
zabitlər, generallar, sizdən xahiş edirəm, tələb edirəm, öz xidmətinizlə məşğul
olun, bura baxmayın. Onik Qasparyan getməlidir, bu əmr icra olunmalıdır, başqa
variant yoxdur. Mən gözləyirəm ki, prezident ya fərmana qol çəksin, ya da Onik
Qasparyanın özü vəzifəsindən imtina etsin”. Ölkədə simvolik rolu olan prezidentArmen
Sarkisyanisə deyib ki, böhranı yoluna qoymaqdan ötrü təcili tədbirlər
görür. O, tərəfləri "təmkin və sağlam məntiq göstərməyə” çağırıb.
Son qarşıdurma Ermənistanı hara aparır?
Beləliklə, Ermənistanda ordu ilə hökumətin qarşıdurması necə
nəticələnəcək? Bir yanda Baş nazir
Paşinyanın, bir yanda müxalifətin aksiyaları necə nəticələnəcək? Bir çox siyasi
şərhçilər hesab edirlər ki, ordunun belə davranışının arxasında Paşinyana qarşı
olan Rusiya dayanır. Ermənistanda antimüharibə fəalıGeorgi Vanyanda
hesab edir ki, Rusiya, "İskander” raket kompleksinin keyfiyyətinə irad tutduğu
üçün ona təzyiq edir: "Hesab etmirəm ki, Paşinyan gedəcək. Sadəcə olaraq, Kreml
növbəti xəbərdarlığını edir. Paşinyana xatırladırlar ki, bu ölkədə əsas söz
sahibi o deyil. 1988-ci ildən bəri Ermənistan bu münaqişənin tilovundadır. Bu
da Ermənistana növbəti xəbərdarlıqdır. Amma düşünmürəm ki, Paşinyan gedəcək.
Çünki indi siyasi durum elədir ki, Paşinyan hal-hazırda Rusiyanı qane edir.
Amma Rusiya həm də Paşinyana demək istəyir ki, nə irəli get, nə də geri”. Lakin Yerevanda başqa bir siyasi
şərhçiRiçard Kirokosyano fikirlə razı deyil ki, hərbi çevrilişi
etmək istəyən Rusiyadır. Onun fikrincə, hazırda Rusiya Paşinyanla bağlı fikrini
dəyişib, onu hakimiyyətdə saxlamaq istəyir, həm də ona görə ki, müxalifət
qeyri-populyardır. Şərhçi, ordunun belə davranışının iki mümkün səbəbini
vurğulayır: "Birinci səbəb Paşinyanın inadkarcasına erkən seçki keçirməkdən
imtina etməsi idi. Ordu hökumətə təzyiq etməyə məcbur qaldı. İkinci məsələ isə
odur ki, ordu daxilində bir neçə yüksək rütbəli zabit müharibə vaxtı öz
səriştəsiz qərarlarını ört-basdır etmək və ordunun çatışmayan cəhətlərindən
diqqəti yayındırmaq üçün bu addımı atdı”.
O hesab edir ki, Ermənistanda, böyük ehtimalla, çevriliş baş
tutmayacaq. Həm də ona görə ki, ordunun hakimiyyəti devirmək təcrübəsi yoxdur: "Vacib
məqamdır ki, ordu ilk dəfədir, siyasi hakimiyyətin istefasını istəyir. Amma bu
qərardan saatlar keçir və biz hərbi fəaliyyətin hansısa nişanəsini görmürük.
Qoşun gözə dəymir. Hazırda siyasi rəqiblərin paralel nümayişi gedir. Paşinyan
öz nümayişini özü aparır. Yerevanda qarşıdurma ola bilər. Bundan qaçmağın yolu
erkən seçki çağırmaqdır”.
"Nikol Serjin tələsinə düşdü”
"Nikol Paşinyan Serj Sarkisyanın təxribatına uydu və onun tələsinə düşdü. Burada sual yaranır: Nikolun konkret və mahiyyət etibarilə səhvi nədə olub? Məsələ bundadır ki, o, silahla bağlı sözlərində tam olaraq haqlıdır. Rusiya tərəfinin məsələyə reaksiyası isə bunu yalnız təsdiqləyir”.
Bu açıqlama ilə Ermənistanın hərbi-siyasi icmalçısı Qraçya Qalustyan
çıxış edib. Onun sözlərinə görə, Rusiyanın ermənilərə Azərbaycanın zərbələri
qarşısında gücsüz olan "metallom” göndərməsi ilə bağlı konkret faktlar var: "Müharibə
dövründə erməni əsgəri təəccüblə aşkar edirdi ki, Moskvanın iddialarına görə
uçmaq və vurmaq bacarığı olan texnika nə uçur, nə də vurur. RF-də
anlamalıdırlar ki, Ermənistan artıq çoxdan müstəqil dövlətdir və onun nəyi və
kimdən alacağını özü həll etmək hüququ
var. Bu, bizim üçün hansısa siyasi intriqalar yox, fiziki sağ qalmaq
məsələsidir. Biz onu yaddan çıxarmamalıyıq ki, Azərbaycanda dünyanın ən müasir
və güclü silahları mövcuddur”, - deyə erməni ekspert qeyd edib.
"Karnegi Avropa”nın Qafqaz
üzrə mütəxəssisi Tomas de Vaal deyib ki, Ermənistanın, uzun müddətdir davam
edən böhranı pis vəziyyətə dönür: "Ordu
həmişə siyasətdən kənarda qaldığı üçün təhlükəli dönüşdür. Paşinyan indi
vəzifəsində qalmaq üçün kilsə və prezident daxil olmaqla bütün elitaya qarşı
durmağa çalışır. Həmişəki kimi, dəstək üçün küçə gücünə müraciət edir". Avropa İttifaqının Cənubi Qafqaz və
Gürcüstandakı böhran üzrə xüsusi nümayəndəsi Toivo Klaar da Yerevandakı
hadisələrdən "son dərəcə narahat olduğunu” bildirib. "Şiddətin olmaması
vacibdir. Həll edilməli olan aydın daxili problemlər olsa da, nə hərbi, nə də
digər təhlükəsizlik strukturları siyasi prosesə qarışmalıdır", - Toivo
Klaar "Tvitter” hesabından yazıb.
Azər NURİYEV