Uşu üzrə respublika turnirinə start verilib

İyulun 4-də Oğuz Olimpiya İdman Kompleksində yeniyetmələr, gənclər və kişilər arasında uşu üzrə respublika turnirinə start verilib.
AZƏRTACxəbər verir ki, Gənclər və İdman Nazirliyi və Azərbaycan Uşu Federasiyasının birgə təşkilatçılığı ilə keçirilən yarışa 200-dən çox idmançı qatılıb.
Turnirdə ölkənin şəhər və rayonlarından ümumilikdə 20-dən çox idman klubu iştirak edir.
Qeyd edək ki, idmançılar yarışda uşunun çinda və sanda növləri üzrə yarışırlar.