Türkiyə ilə Avropa İttifaqı arasındakı münasibətlər müzakirə ediləcək

Avropa İttifaqına (Aİ) üzv ölkələrinin xarici işlər nazirləri Aİ Şurasının qeyri-rəsmi iclasında Türkiyə ilə ittifaq arasındakə münasibətləri müzakirə edəcəklər.
Trend-in "TASS"a istinadən verdiyi məlumata görə, bu barədə Maltada Aİ-nin Xarici İşlər və Təhlükəsizlik Siyasəti üzrə ali nümayəndəsi Cozep Borrel və Türkiyənin XİN rəhbəri Mevlüt Çavuşoğlu arasında keçirilən görüşün yekunları üzrə bildirilib.
Məlumata əsasən, Aİ Şurasının qeyri-rəsmi iclası 27-28 avqust tarixlərində Berlində keçiriləcək.
Bildirilir ki, Türkiyə Avropa İttifaqının vacib tərəfdaşıdır: "Aİ-yə üzv ölkələr mövcud mənfi tendensiyaları aşaraq qarşılıqlı münasibətlərin gücləndiyini görmək istəyirlər".