Türk jurnalistlər Luçeskunu boykot etdilər
Türkiyə yığması
Millətlər Liqasında keçirdikləri son oyunda İsveçə 0:1 hesabı ilə məğlub olub.
Kaspi.az xəbər
verir ki, Türkiyə yığması qrup mərhələsini sonuncu pillədə başa vurub və Liqada
daha aşağı diviziona düşüb. Oyundan sonra keçirilən mətbuat konfarnsında
jurnalistlər Türkiyə yığmasının baş məşqçisi Mirça Luçeskunu boykot ediblər.
Mətbuat
konfransı cəmisi bir dəqiqə çəkib. Luçesku oyunla bağlı fikirlərini bildirib.
Jurnalistlər isə ona sual verməyiblər. Mətbuat nümayəndələrindən biri bu addımı
belə izah edib: "Hansı sualı verməyimizdən asılı olmayaraq, Luçesku bütün
situasiyalarda özünə haqq qazandıracaq”.