Turisti fontana atan azarkeş cəzalandırıldı

Turisti fontana atan azarkeş cəzalandırıldı

İdman
11 İyul 2019, 12:45 245
"Liverpul” ÇL-in final oyunundan əvvəl vandal hərəkətə yol verən fanatını cəzalandırıb. 
 
Kaspi.az xəbər verir ki, Çempionlar Liqasının Madriddə keçirilən final oyunundan əvvəl "Liverpul”un 57 yaşlı fanatı Entoni Mallen çinli turisti fontana atmışdı. Onun bu hərəkəti rasizm kimi dəyərləndirilmiş və bütün dünyada təpki ilə qarşılanmışdı. 
 
"Liverpul” rəhbərliyi həmin azarkeşlə bağlı cəza tədbiri görüb. Entoni 3 il müddətinə "Liverpul”un oyunlarına stadionda baxa bilməyəcək. Onun stadiona girişinə qadağa qoyulub. O, oyundan əvvəl və sonra stadionun ətrafında da görünə, səfər oyunlarına da gedə bilməz.
 
"Liverpul” ÇL-in finalında "Tottenhem”ə qalib gəlmişdi – 2:0.