AZƏRBAYCANDA KORONAVIRUSLA BAĞLI XƏBƏRLƏR

Təxribat yayan şəxs açıqlama yayıb Müsavat Partiyasını suçladı

Təxribat yayan şəxs açıqlama yayıb Müsavat Partiyasını suçladı

Təfsilat
15 İyul 2020, 18:01 367
Ötən gün Bakıda baş verən orduya dəstək yürüşü fonunda təxribat xarakterli video yayan və erməni olduğu deyilən Rəşad Məmmədov sosial şəbəkə vasitəsilə açıqlama yayıb.

Musavat.com xəbər verir ki, o, bu cür video yaymasını emosional olması ilə əlaqələndirib: "Həddən artıq emosional insanam və vətənpərvərəm. Mənə gələn dünənki xəbərlər, o məlum videogörüntünü yaymağımı məcbur etdi. Çünki dözə bilmədim, o qədər insanın ölüm xəbəri, insanlarımızın yürüşü, səfərbərlik tələbi (bu mənim də, arzumdur), məni, düşünmədən o videonu yaymağa məcbur etdi”.

Sonda Rəşad Məmmədov iddia edib ki, bəzi şəxslər bilərəkdən bu cür məlumatlar yayırlar.

Onu da qeyd edək ki, Ağ Partiya sədri Tural Abbaslı Musavat.com-a açıqlamasında bildirib ki, bu şəxs Almaniyada Müsavat Partiyasına mühacir al-veri ilə bağlı açılan cinayət işində əsas şahid kimi iştirak edib.
Müsavat Partiyasının sədr müavini Fərəc Kərimli isə Feysbukda status yazaraq həmin şəxsin kimliyinə dair fikir bildirib: "Sosial şəbəkələrdə "812-ci diviziyamızı vurdurdular, əsgərlər qırıldı" deyə təxribat yayan Almaniyada yaşayan, iki ildir bir sürü özü kimilərlə Müsavat Partiyasına böhtan atan Rəşad Məmmədov adlı bu məxluqdur".