Tehranda dəhşətli avtobus qəzası: 7 ölü, 26 yaralı

APA-nın İran mətbuatına istinadən verdiyi məlumata görə, hadisə bu gün yerli vaxtla saat 09:10-da Tehran şəhərində, Şəhid Şüştəri körpüsünün yaxınlığında olub.
Çetgər-Şəriəti marşrutu üzrə hərəkət edən özəl bir şirkətə məxsus olan avtobusun aşması nəticəsində 7 nəfər yerindəcə ölüb, 26 nəfər isə ağır xəsarət alıb. Ölənlərdən 5-i qadın, ikisi kişidir. Yaralılar dərhal yaxınlıqdakı xəstəxanalara qaldırılıblar. Hadisədən sağ qurtulan avtobusun sürücüsü isə saxlanılıb. Qəzanın baş verməsinin səbəbləri araşdırılır.