• çərşənbə axşamı, 19 mart, 14:31
  • Baku Bakı 8°C

Sudanda hərbçilər hakimiyyəti rəsmən mülki şəxslərə təhvil veriblər

17.08.19 19:15 1487
Sudanda hərbçilər hakimiyyəti rəsmən mülki şəxslərə təhvil veriblər
Sudanda hərbçilər hakimiyyəti rəsmən mülki şəxslərə təhvil veriblər.AZƏRTACAl Arabiya telekanalının saytına istinadla xəbər verir ki, avqustun 17-də paytaxt Xartumda keçirilən təntənəli mərasimdə ölkənin Hərbi Şurası və əsas müxalifət birliyi olan "Azadlıq və dəyişikliklər” alyansı arasında Konstitusiya Bəyannaməsi imzalanıb.
Tərəflərin avqustun 3-də təsdiq etdikləri sənəd ölkədə keçid dövrünün əsas prinsiplərini ehtiva edir. Həmin dövrdə hərbçilər tədricən hakimiyyəti mülki şəxslərə təhvil verməlidirlər. Eyni zamanda, tərəflər arasında siyasi sazişin də yekun variantı imzalanıb və bu sənəddə keçid dövründə ölkənin siyasi quruluşunun əsas müddəaları təsbit olunub. Bu sazişin mətni iyul ayında razılaşdırılıb.
Konstitusiya Bəyannaməsi və sazişi Sudanın Keçici Hərbi Şurasının sədr müavini, general Məhəmməd Həmdan Daqalo və "Azadlıq və dəyişikliklər” alyansının nümayəndəsi Əhməd Rabiyə Efiopiyanın Baş Naziri Əbiy Əhməd və Cənubi Sudanın Prezidenti Salva Kiyrin iştirakı ilə imzalayıblar.

banner

Oxşar Xəbərlər