"SOCAR Energy Switzerland" İsveçrənin ən iri enerji şirkətinə çevrilib

Azərbaycanın İsveçrədəki səfiri Fuad İsgəndərov "SOCAR Energy Switzerland" şirkətinin təsis olunmasının 10 illiyinə edilmiş tədbirdə çıxış edib.

Kaspi.az-ın məlumatına görə, bu barədə səfir öz "Twitter" səhifəsində yazıb.

O qeyd edib ki, "SOCAR Energy Switzerland" yarandığı ilk gündən İsveçrənin ən iri enerji şirkətinə çevrilib.

"Həm Azərbaycanın Berndəki səfirliyi, həm də "SOCAR Energy Switzerland" 2012-ci ildə fəaliyyətə başlamasından bəri Azərbaycanla İsveçrə arasında siyasi və iqtisadi münasibətlərin inkişafı üçün əməkdaşlıq edir. Bu nəticələrlə fəxr edirəm", - səfir bildirib.