AZƏRBAYCANDA KORONAVIRUSLA BAĞLI XƏBƏRLƏR

SIPRI 9 ölkədə mövcud olan nüvə silahı başlıqlarının sayını açıqlayıb

SIPRI 9 ölkədə mövcud olan nüvə silahı başlıqlarının sayını açıqlayıb

Təfsilat
14 İyun 2021, 12:45 117
2020-ci ildə dünyada nüvə başlıqlarının sayında ümumi azalma olsa da, raketlərə yerləşdirilmiş və əməliyyat qüvvələri olan bazalarda yerləşdirilən nüvə döyüş başlıqlarının sayı artıb.
 
APA-nın xəbərinə görə, bu barədə SIPRI-nin (Stokholm Beynəlxalq Sülh Araşdırmaları İnstitutu) aid hesabatında bildirilib.
Hesabata görə, 2021-ci ilin əvvəlində 9 nüvə ölkəsində - ABŞ, Rusiya, Böyük Britaniya, Fransa, Çin, Hindistan, Pakistan, İsrail və Şimali Koreyada ümumilikdə 13 080 nüvə silahı başlığı qeydə alınıb. 2019-cu ildə bu rəqəm 13 400 olub.
 
Nüvə başlıqlarının sayının azalmasına baxmayaraq, əməliyyat qüvvələrinə inteqrasiya etmiş nüvə silahı başlıqlarının sayı 3720-dən 3825-ə yüksəlib. Bunların təxminən 2000-i ABŞ və Rusiyaya məxsusdur ki, bu başlıqlar əməliyyat həyəcanı vəziyyətində saxlanılıb.

ABŞ və Rusiya 2020-ci ildə köhnəlmiş nüvə döyüş başlıqlarını sökərək ümumi nüvə silah ehtiyatlarını azaltsa da, hər iki ölkə 2021-ci ilin əvvəlində ötən ilin əvvəlinə nisbətən əməliyyat qüvvələrinə inteqrasiya etmiş nüvə silahı başlıqlarının sayını artırıb. SIPRI əməliyyat qüvvələrinə inteqrasiya etmiş nüvə silahı başlıqlarının sayının 50 olduğunu bildirib.