“Simurq” 4 futbolçu aldı

Zaqatalanın “Simurq” klubu heyətini 4 futbolçu ilə gücləndirib. Lent.az-ın məlumatına görə, yeni transferlərdən 1-i legionerdir.
Bu, ötən mövsümü Tovuzun “Turan” komandasında keçirmiş Salif Ballodur. Malili hücumçu ilə 2 illik müqavilə bağlanılıb.
Eyni zamanda, ötən mövsümü AZAL-da keçirmiş Taqim Novruzov, “Qəbələ”dən ayrılan Rövşən Əmiraslanov və “Rəvan”ın sabiq kapitanı Tural Axundov “Simurq”a cəlb olunub. Yeli oyunçular da 2 illik anlaşmaya qol çəkiblər.