• cümə axşamı, 28 mart, 19:47
  • Baku Bakı 13°C

Sarkisyan yüksək vəzifəli generalları vəzifədən kənarlaşdırdı

26.04.16 14:32 3061
Sarkisyan yüksək vəzifəli generalları vəzifədən kənarlaşdırdı
Ermənistan müdafiə nazirinin müavini, kəşfiyyat və rabitə xidmətlərinin rəhbərləri işdən çıxarılıb

Ermənistan prezidenti Serj Sarkisyan ordu rəhbərliyində bir sıra kadr dəyişiklikləri həyata keçirib.
APA-nın “news.am” saytına istinadən verdiyi məlumata görə, S. Sarkisyanın fərmanı ilə müdafiə nazirinin müavini, nazirliyin maddi-texniki təminat departamentinin rəisi Alik Mirzabekyan vəzifədən azad edilib.
S. Sarkisyanın digər fərmanı ilə rabitə qoşunlarının rəisi, Müdafiə Nazirliyinin rabitə və avtomatlaşdırılmış idarəetmə sistemləri idarəsinin rəisi, general-mayor Komitas Miradyan vəzifədən çıxarılıb.
Ermənistan Silahlı Qüvvələri Baş Qərargahının kəşfiyyat idarəsinin rəisi, general-mayor Arşak Karapetyan da işdən uzaqlaşdırılıb.
Adı çəkilənlərin yerinə yeni təyinatlar barədə hələlik məlumat yoxdur.
banner

Oxşar Xəbərlər