• cümə axşamı, 28 mart, 21:35
  • Baku Bakı 13°C

Şahap Kavcıoğlu: "Türkiyə 2 həftəyə Azərbaycanla svop sazişi bağlaya bilər"

25.12.21 13:07 317
Şahap Kavcıoğlu: "Türkiyə 2 həftəyə Azərbaycanla svop sazişi bağlaya bilər"
Türkiyə Mərkəzi Bankı 2 həftə ərzində iki ölkə ilə valyuta svopu haqqında saziş bağlaya bilər.
"Report”xarici mətbuata istinadən xəbər verir ki, bunu Türkiyə Mərkəzi Bankının (TCMB) sədri Şahap Kavcıoğlu, Prezident Rəcəb Tayyib Ərdoğanın iqtisadçılar və alimlərin qatıldığı görüşdə deyib.
Qeyd edək ki, dekabrın 23-də "Reuters” mənbələrə istinadən xəbər yaymışdı ki, Türkiyə Mərkəzi Bankı Azərbaycan və Birləşmiş Ərəb Əmirlikləri (BƏƏ) ilə bir müddətdir apardığı svop razılaşmasında son mərhələyə çatıb və sövdələşmələrdən ən azı biri ilin sonuna qədər tamamlanacaq.
"Reuters”ə məlumat verən yüksək səviyyəli məmur bildirib ki, hazırda bir neçə ölkə ilə svop danışıqları aparılır: "Svop sazişlərinin xüsusilə bu dövrdə əhəmiyyətli müsbət töhfələri olacaq”.
Mənbə bildirib ki, Azərbaycanla svop sazişi demək olar ki, başa çatıb. Eynilə, BƏƏ ilə də anlaşma yekun mərhələyə çatıb. Azərbaycanla anlaşmada ilk mərhələdə svopun həcmi böyük deyildi, ancaq tədricən artırılıb. Azərbaycan və BƏƏ svop sazişlərindən ən azı biri ilin sonuna qədər tamamlanacaq”.
Qeyd edək ki, TCMB-nin Çin, Qətər və Cənubi Koreya ilə təxminən23 milyardABŞ dolları həcmində svop müqavilələri var. Onlar yerli valyutalarla ticarəti təşviq edir və Mərkəzi Bankın ümumi ehtiyyatlarını artırır.
Türk lirəsindəki tarixi enişi yavaşlatmaq üçün TCMB təkcə bu ay5dəfə bazara birbaşa müdaxilə edib ki, ümumilikdə bazara10 milyardABŞ dolları satılıb. Lirə bu həftə dollar qarşında kəskin ucuzlaşaraq minimumu yeniləyib. Türkiyə bundan əvvəl ABŞ, İngiltərə, Rusiya və Malaziya mərkəzi bankları ilə sövdələşmələr imzalamağa çalışıb.
Türkiyə Mərkəzi Bankının ehtiyatları 2019-2020-ci illərdə dövlət bankları vasitəsilə təxminən128 milyardABŞ dolları məbləğində bir sıra müdaxilələrdən sonra tükənmək üzrədir.
banner

Oxşar Xəbərlər