Qurban Yetirmişli: "Bəziləri maqnituda ilə balı qarışdırırlar"

"Azərbaycan ərazisində 84 seysmik stansiya var. Həmin stansiyalar Amerika istehsalı olan avandalıqlarla təchiz olunub".

Kaspi.az xəbər verir ki, bunu AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli Bakı Dövlət Universitetində Azərbaycanın müasir seysmodinamik şəraiti haqqında danışarkən deyib.

O xatırladıb ki, 2012-ci il mayın 7-də Zaqatalada iki güclü - 5,6 və 5,7 maqnitudalı zəlzələ çoxlu dağıntı və fəsadlar əmələ gətirmişdi: "Çoxu maqnituda və bal mənasını səhv salır. Bal zəlzələnin yer üzərində törətdiyi fəsadları ölçmək üçün istifadə olunur. Maqnituda isə yerin daxilindəki ocağın enerjisinin gücüdür. Bu da 1-dən 9-a qədər olan kəmiyyət göstəricisidir".