Qayınatası və qayınanasına xəsarət yetirən şəxsə cinayət işi açıldı

Qayınatası və qayınanasına yaşadıqları evlərində xəsarət yetirən şəxsə cinayət işi açılıb.
Baş Prokurorluğun Mətbuat xidməti tərəfindən Kaspi.az-a bildirilib ki, Sumqayıt şəhəri ərazisində 03.06.2021-ci il tarixdə Namiq Ələkbərovun qayınatası və qayınanasına yaşadıqları evlərində xəsarət yetirməsi ilə bağlı Sumqayıt şəhər Polis İdarəsində Cinayət Məcəlləsinin 128-ci (qəsdən sağlamlığa yüngül zərər vurma) maddəsi ilə cinayət işi başlanmışdır.
Namiq Ələkbərov CM-nin qeyd edilən maddəsi ilə təqsirləndirilən şəxs qismində cəlb edilərək barəsində polisin nəzarəti altına vermə qətimkan tədbiri seçilmişdir.
Hazırda Sumqayıt şəhər polis idarəsində istintaq davam edir.