bazar ertəsi, 04 iyul, 10:39

Baku Bakı 23°C

Piyadaların səhlənkarlığı faciəyə səbəb oldu - VİDEO

icon 196 icon 20 may 2022 | 19:10 Piyadaların səhlənkarlığı faciəyə səbəb oldu - VİDEO

Bakıda piyadaların səhlənkarlığı ilə nəticələnən ağır yol qəzalarının görüntüləri yayılıb.

“Report”un əldə etdiyi məlumata görə, hadisə bir müddət əvvəl paytaxtın A.Salamzadə küçəsi, Heydər Əliyev və Ziya Bünyadov prospektlərində qeydə alınıb.

Belə ki, yüksək hərəkət sürətli yollarda piyadalar piyada zolağı olmayan ərazilərdən keçmək istəyən zaman anidən avtomobillərin qarşısına çıxıblar. Qəza nəticəsində piyadalar ölüblər.

Bakı Şəhər Dövlət Yol Polisi (DYP) İdarəsinin baş inspektoru polis mayoru Araz Əsgərli “Report”un sorğusuna cavab olaraq bildirib ki, ötən günlər paytaxt yollarında, xüsusi ilə də günün axşam saatlarında piyada səhlənkarlığı ilə nəticələnən ağır yol qəzaları qeydə alınıb.

DYP rəsmisi yüksək hərəkət sürətli yollardan keçmək istəyən piyadalara çağırış edib:

“Bakı Şəhər Dövlət Yol Polisi belə hadisələrin baş verməməsi üçün piyadaların diqqəti olmasını xahiş edir. Yüksək hərəkət sürətli yollarda, xüsusi ilə də günün axşam saatlarında yolun nəzərdə tutulmayan hissəsində tam təhlükəsizlik tədbirlərinə əməl etmədən yola anidən çıxmaq olmaz. Bu da həmin şəxslərin həyatına təhlükə yaradır. Həmçinin onlar hadisə zamanı sürücüləri də çətin vəziyyətə salırlar, məsuliyyət qarşısında qoyurlar”.