Pərvin Kərimzadə: “Azərbaycan mötəbər idman yarışlarına uğurla ev sahibliyi edir”
"Dünyada idman ölkəsi kimi tanınan Azərbaycan beynəlxalq
miqyaslı yarışlara, konfranslara festivallara, qlobal forumlara bir sözlə,
nüfuzlu tədbirlərə yüksək səviyyədə ev sahibliyi edir”.
Bu barədəmillət vəkili Pərvin Kərimzadə"Kaspi” qəzetinə açıqlamasında bildirib. O qeyd edib ki,
təkcə 2018-ci ildə respublikamızda Formula 1 Azərbaycan
Qran-Prisi, velosiped idmanının BMX növü və cüdo üzrə dünya çempionatları,
gimnastika növləri üzrə dünya kubokları, Avropa çempionatı, Beynəlxalq
Gimnastika Federasiyasının 82-ci Konqresi, Xüsusi Olimpiya Hərəkatı Gənc Liderlərin
XX Qlobal Forumu çərçivəsində müxtəlif idman növləri üzrə yarışlar, tədbirlər təşkil
olunub. Deputatın sözlərinə görə, bu il də Azərbaycan müxtəlif idman növlərini əhatə edən
beynəlxalq idman yarışlarına və irimiqyaslı tədbirlərə ev sahibliyi edərək,
idman ölkəsi statusunu qoruyub saxlayıb: "İlin ilk beynəlxalq idman yarışına "Tokio-2020” Yay
Olimpiya Oyunlarına lisenziya xarakteri daşıyan gimnastika üzrə bir neçə
irimiqyaslı yarışlarla start verilib. Dünyanın diqqətini ölkəmizə yönəldən ən əhəmiyyətli
idman tədbirlərindən biri olan Formula-1 Azərbaycan Qran-Prisi də uğurla başa çatıb. Tədbirlərlə, yarışlarla bağlı gələn
idmançılar, qonaqlar ölkəmizdən xoş təəssüratlarla ayrılıblar”.
Millət vəkili
deyib ki, artıq dünyanın diqqəti yenidən ölkəmizə - mayın 29-da keçiriləcək
UEFA Avropa Liqasının 2018-2019-cu il mövsümünün final oyununa yönəlib. Onun qənaətincə, bu, beynəlxalq idman federasiyalarının respublikamızda aparılan işlərə,
həmçinin idman və bədən tərbiyəsi sahəsində nailiyyətlərimizə verilən qiymətin
daha bir təzahürüdür: "Azərbaycanın mötəbər idman yarışlarına uğurla ev sahibliyi etməsi heç də təsadüfi deyil.
Ölkəmizdə həyata keçirilən uğurlu siyasət, imkişaf, tərəqqi, ən əsası sabitlik
və təhlükəsizlik kimi amillər dövlətimiz üçün müəyyən dividendlər gətirib. Çox
təəssüf ki, Azərbaycanın beynəlxalq aləmdə mövqeyi
artdıqca, ölkəmizin inkişafını, tərəqqisini
gözü götürməyən qüvvələr fəallaşmağa
başlayırlar. Erməni lobbisinin və onların havadarlarının əlində alətə
çevrilən qərəzli dairələr zaman-zaman, fürsət düşdükcə öz çirkin planlarını həyata
keçirməyə, anti-Azərbaycan kampaniyası aparmağa cəhd edirlər. Belə qərəzli təşkilatlardan
olan "Amnesty International” UEFA Avropa Liqasının final qarşılaşmasının Azərbaycanda
keçirilməsi ilə bağlı ölkəmiz əleyhinə bir sıra əsassız fikirlər səsləndirib. Təşkilatın
məlumatında ölkəmizdə insan haqlarının vəziyyətinin guya qənaətbəxş olmaması ilə
bağlı absurd fikirlərə yer verilib. "Amnesty International” təşkilatının qərəzli
mövqeyi illər əvvəl ölkəmizlə bağlı yaydığı hesabatından aydın idi”.
Deputat bildirib ki, aAnti-Azərbaycan dairələrin əlində
alət rolunu oynayan "Amnesty İnternational” təşkilatının bu gün ara qatmağa çalışması,
gülünc, absurd fikirlər səsləndirməsi də növbəti qarayaxma kampaniyanın
davamıdır: "Həmin bu "Amnesty İnternational” unudur ki, informasiya əsrində
yaşayırıq. Kompyüterin düyməsinə tərpətməklə dünyanın ən ucqar nöqtəsi haqqında
ətraflı məlumat toplamaq mümkündür. Dünya ictimaiyyəti də, ölkəmizdə UEFA
Avropa Liqasının final qarşılaşmasını izləmək istəyən idmansevərlər də Azərbaycanın
gündən-günə yüksələn imici, sabitlik adasına çevrilməsi ilə bağlı məlumat
toplamaları an məsələsidir. "Demokratiya”, "insan hüquq və azadlıqları” adı
altında korrupsiyalaşmış "Amnesty İnternational” təşkilatının bir sıra ölkələrə
qarşı təzyiq vasitəsi kimi istifadə olunduğu da hamıya məlumdur. Müxtəlif formalarda Azərbaycanın imicinə ləkə yaxmağa
çalışan qüvvələr bir nüansı – XXI əsrdə yaşadığımızı, ən son yenilikləri, xəbərləri,
istədiyin məlumatı internet vasitəsi ilə 1dəqiqənin içində əldə edilməsini nəzərə
almayıblar”.