Peru portalı İmadəddin Nəsimi haqqında məqalə yayıb

Peru Respublikasının rəsmi xəbər portalı "El Peruano”da Azərbaycanın bu ölkədəki müvəqqəti işlər vəkili Mehdi Mahmudovun "İmadəddin Nəsiminin 650-ci ildönümü” adlı məqaləsi dərc olunub.
AZƏRTAC xəbər verir ki, məqalədə Azərbaycanın dahi şair və mütəfəkkiri İmadəddin Nəsiminin həyat və yaradıcılığından bəhs edilir. Prezident İlham Əliyevin Sərəncamı ilə 2019-cu ilin Azərbaycanda "Nəsimi ili” elan olunmasından, həmçinin Birinci vitse-prezident Mehriban Əliyevanın təşəbbüsü ilə 650 min ağac əkilməsindən söhbət açılır.