Pakistanla sərhəddə 8 iranlı sərhədçi öldürülüb

İran-Pakistan sərhədində silahlı şəxslər 8 iranlı sərhədçini öldürüblər.
APA-nın “Frans Press”ə istinadən verdiyi məlumata görə, hadisə Sistan və Bəlucistan əyalətində baş verib.
Əyalətin qubernatoru Əli Aşqar Mirşəkərinin sözlərinə görə, silahlı şəxslər Nequr rayonunun ərazisinə daxil olublar.
İran hökumətinin Pakistan tərəfindən sərhədçiləri öldürməkdə şübhəli bilinən şəxslərin həbsini tələb etdiyi bildirilir.