Onun beyninin nə vaxt mutasiya olunduğunu bilmir
İspaniya
yığmasının sabiq qapıçısı Santyaqo Kanisares "Mançester Siti”nin baş məşqçisi
Xosep Qvardiolanın siyasi baxışı barədə danışıb.
Kaspi.az xəbər
verir ki, Qvardiola Kataloniyanın müstəqilliyinin tərəfdarıdır və qatı
separatçı sayılır. Kanisares Qvardiola ilə əlaqə saxlamadığını da bildirib:
"O, yığma
komandanın çat qrupunda yoxdur. Bilmirəm hara yoxa çıxıb, onunla əlaqəni
itirmişəm.
Olimpiadada
iştirak edən hər kəs "çat”da var, yalnız Qvardioladan başqa. Ola bilsin ki, o,
indi hamıdan məşhur olduğu üçün qrupda yoxdur.
Amma qrupda
olmadığı üçün onu qınamıram. Başa düşürəm ki, Qvardiola indi daha çox stress
altındadır. Luis Enrike, Ebelardo burdadır, o isə yox.
Amma o, İspaniya
haqqında mənfi fikir söyləyəndə pis oluram. Onun beyninin nə vaxt mutasiya
olunduğunu bilmirəm”.