Nəsrin feminist yazıçısı
Viktoriya Samoylovna Tokaryova yazıçı və ssenaristdir.
1937-ci ildə Sankt-Peterburqda doğulub. Ümumittifaq Kinematoqrafiya
İnstitutunun ssenari fakültəsini bitirib. IV Rusiya kinofestivalının laureatı,
«Ədəbiyyat və kino» (1998), «Şərəf nişanı» (1987) ordenlərinə layiq görülüb.
Kann kinofestivalının «Ədəbiyyat və kinonu zənginləşdirdiyinə görə» (2000)
mükafatını alıb. 200-dən çox nəsr kitabının və çoxlu ssenarinin müəllifidir. Həmçinin
ssenari müəllifi olduğu «Mimino» (Georgi Daneliya və Revaz Qabriadze ilə birgə),
«Uğur centlmenləri» (1971, Georgi
Daneliya ilə həmmüəllif), «İt royal üzərində hərəkət edirdi» filmləri qeyri-adi
məşhurluq qazandı. Xüsusən "Mimino” 1978-ci ildə Moskva Beynəlxalq
Kinofestivalının qızıl medalına layiq görüldü.
- Viktoriya Samoylovna, siz ildə bir kitab yazırsınız, hərdən isə kitab mağazalarının rəfində iki məcmuəniz peyda olur… Bu səmərəliliyin sirri nədədir?
- Heç bir sirr yoxdur. Beynimə, düşüncəmə nə gəlirsə, onu da yazıram.
Vaxt var idi ki, Abdulov və Yankovskinin sıralarımızdan köçdüyünə təəccüb edirdim. Mənə elə gəlirdi ki, onlar Tanrının sevimliləridirlər. Belə insanlar qəfildən dünyasını dəyişəndə sarsılırsan, amma gec-tez, bu həqiqətlə barışmalı olursan… Görünür, Tanrı üçün kimi aparmasının fərqi yoxdur.
Rusiya mətbuatından tərcümə etdi
Təranə Məhərrəmova
Tokaryovanın
əsərlərinin mövzusu fərqlidir. Daha çox böyük şəhərlərdə yaşayan qadınların həyat
psixologiyasını, işlə həyat arasındakı qarışıqlığı, fantaziya dünyasını, zərif
cinsin arzu və istəklərini araşdırmağı xoşlayır. Onun əsərləri ingilis,
fransız, çin, alman, italyan dillərinə tərcümə olunub. O, nəsr sahəsində
feminist yazıçı kimi qəbul olunur və məşhurluğu da buradan qaynaqlanır.
80 yaşını yola
salan yazıçı daim masa arxasındadır. Onun sevimli məkanı Moskva kənarındakı
bağıdır. Burada sevimli ailəsi - əri, qızı, nəvələri və nəticələri ilə sakit
ömür sürür. O, sevimli işi ilə məşğul olduğuna görə, özünü xoşbəxt qadın hesab
edir. Baxmayaraq ki, onun qadın qəhrəmanları həmişə xoşbəxtlik axtarıblar.
- Viktoriya Samoylovna, siz ildə bir kitab yazırsınız, hərdən isə kitab mağazalarının rəfində iki məcmuəniz peyda olur… Bu səmərəliliyin sirri nədədir?
- Heç bir sirr yoxdur. Beynimə, düşüncəmə nə gəlirsə, onu da yazıram.
- Yəqin yazı stolunun arxasında çox
oturmalı olursunuz?
- Mənim səhər saatlarında həmişə
yazı məşğələlərim olur. Məsələn, saat 11-dən 2-yə kimi. Mən əsasən səhərlər işləyirəm,
sonra isə haçan vaxt tapıramsa... Bütün hallarda mənim üçün yaradıcılıq həmişə
birinci yerdədir. Mən əllə yazıram. İşləmək üçün hər şeyim var – ayrıca otağım;
yazı stolum; kağız; iki qızıl perolu qələmim. Bu qələmlərin hər birini
İtaliyada olarkən 250 avroya almışam. Mən gözəl qələmlərlə gözəl nəsr yazmağı
xoşlayıram. Kompüteri qəbul etmirəm. Hesab edirəm ki, istedadı insana Allah
verir, kompüter isə həmin istedadı oxucuya olduğu kimi çatdıra bilməz. Fikrimcə,
istedad şəksiz-şübhəsiz enerjidir - səndən vulkan
kimi püskürür və yazırsan. Mən yazını iki saata bitirirəm və o zaman stuldan qalxıb
yaşamağa başlayıram. - Elə vaxtlar olubmu ki, siz yazmaq
üçün enerjinizin az olduğunu hiss edəsiniz? Ya da süjetlərin alınmadığını hiss
edibsinizmi?
- Əlbəttə,
olur... Bunun üçün heç vaxt təəssüf hissi keçirmirəm. Stuldan qalxıram, vəssalam.
Sonra isə enerji özü qayıdıb gəlir. Ümumiyyətlə, necə alınırsa, elə də
yaşayıram. Bu, böyük xoşbəxtlikdir! Özünütəsdiq lazım deyil - quşun budaqda
yaşadığı kimi yaşayırsan.- Siz həmişə kiçik nəsr əsərləri üzərində
işləyirsiniz. Bəs roman yazmaq arzunuz olmayıb?
-
Bilirsiniz, bir var uzun məsafələrə qaçış idmançıları, bir də var qısa məsafəyə qaçan idmançılar. Məsələn,
Lev Tolstoy uzun məsafələrə qaçanlardan idi, Çexov isə qısa məsafəyə qaçmağı
xoşlayırdı. O, maksimum, povestlər yazırdı. Mən Çexovun tələbəsiyəm, mənə onun
poeziyası və «sürəti» daha yaxındır. - Öz təcrübənizə görə, təzə
başlayanlara nə məsləhət verərdiniz? Hazırkı mürəkkəb bazar iqtisadiyyatı
zamanı oxucuya necə yol tapmaq olar?
- Əminəm
ki, həqiqi istedad özünə mütləq yol tapacaq. Brejnevin durğunluq illərində
Andrey Tokarovski, Lyudmila Petruşevskaya kimi elə rəssamlar vardı ki, onlar kənarlaşdırılmışdılar.
Bununla belə, insanlar onları tanıyırdılar. Tarkovskinin filmləri «üçüncü dərəcə»li
ekran əsərləri adını almışdı. Onun filmləri Moskvanın haradasa, nəzərə
çarpmayan yerlərində nümayiş olunurdu. Ancaq orada insanlar filmi izləmək üçün
blokada zamanı çörək növbəsinə düzülən kimi sıralanırdılar. İstedadı gizlətmək
olmaz. Çünki o, öz-özünə yol tapır və insanları cəlb edir. Bilirsinizmi, çox
şeylər insanın özündən asılıdır. Yaradıcılıq özünütəqdimatdır. Və əgər insan
öz-özlüyündə maraqlı şəxsiyyət, istedadlıdırsa, o, bunu sadəcə, oxucularla
bölüşür və bu zaman süjet heç bir rol oynamır. Əlbəttə ki, süjet yalnız sənətkarın
əlində əhəmiyyət kəsb edir. Əgər içində «batareya» yoxdursa, heç bir sarınmış
süjet səni xilas edə bilməz. - Bəs istedadlı yazıçını, istedadsızdan
necə ayırmaq olar?
-
İstedadlı yazılmış kitabı götürüb axıra qədər dayanmadan oxuyarsınız. Amma səfehcəsinə
yazılmış kitabı 5 dəqiqədən artıq oxuya bilməzsiniz. İstedad – bu, həmişə
maraqlıdır, qabiliyyətsizlik isə heç kəsi cəlb edə bilməz.- Yəni zövqlü oxucu o dəqiqə başa düşəcək
ki, yazıçı istedadlıdır?
- Bəli...
həm də istedadsızı hiss edəcək. Heç kim köhnə kolbasanı yemədiyi kimi, maraqsız
kitabı da oxumaq istəməz. - Sizin oxucularla hər zaman
yaradıcılıq gecələriniz keçirilir. Hansı suallar tez-tez səslənir? Qeyri-adi nəsə
yadınızdadırmı?
-
Qeyri-adini yada sala bilmirəm, amma adisini deyə bilərəm. Hər zaman soruşurlar
ki, siz bunu həyatdan götürübsünüz, yoxsa özünüz fikirləşibsiniz? Bu suala
cavab vermək istəyirəm ki, mənim yazdıqlarımın hər cürünü oxuyacaqlar - bunu da, onu da. Belə düşünürəm ki, hərdən
həyatda olanlar düşündüyümüz süjetdən daha maraqlı olur. Bəlkə də işləməyi bacaranlar
üçün bu, maraqlı janr olardı. Mən bunu bacarmıram.- Necə düşünürsünüz, oxunulmuş kitab
insanın qismətini dəyişə bilərmi? Sizin həyatınızda bu, baş veribmi?
- Bu
yaxınlarda Mişa Zadornov dünyasını dəyişib… Mənim onunla bağlı maraqlı bir
tarixçəm var. Mişanın 20 yaşı olanda texniki ali məktəbdə oxuyurdu və onun ilk
həyat yoldaşı Velta hələ o zamanlar nişanlısı idi. Bir gün Velta səhər onun
yanına gələrək «Qulaq as, mən «Gənc Qvardiyaçılar» adlı jurnal almışam, orada
çox gözəl hekayə var. Tokaryova adlı yazıçı «Yalansız bir gün» adlı hekayə
yazıb. Elə maraqlıdır ki...» deyib. Onlar yanaşı uzanıb hekayəni ucadan oxumağa
başlayıblar. Oxuyub bitirəndən sonra Mişa ayağa duraraq yazı stolunun arxasına
keçib və yazmağa başlayıb. Velta onu «cərəyana» qoşmuşdu. O bilmirdi ki, yazmaq
istəyir, amma bu hekayə onun «düyməsini» basmışdı – beləliklə, o, bizim
tanıdığımız Mixail Zadornov oldu. O, Moskvaya köçdükdən sonra məni tapıb
Riqadan aldığı bir şəkli mənə bağışladı. Şəkil «Bahar» adlanırdı. Şəkildə kiçik
çaylar, kolluqlar suda əks olunurdu… Həmin şəkil hazırda da otağımın divarını bəzəyir…
Mişa yoxdur, şəkil isə divardan asılıb… Maraqlıdır ki, Mişa öz janrında müvəffəqiyyət qazanmışdı. O, çox işləyirdi, pərəstişkarları
da çox olurdu. Xalq onu sevirdi… Bundan əlavə, o, geniş ürəkli, alicənab, gözəl
insan idi. Onun dünyasını dəyişməsinə hələ də inana bilmirəm. Mənə elə gəlirdi
ki, Allah belələrinə qıymır. Görünür, o, lazım olduğundan çox yaşayıb.Vaxt var idi ki, Abdulov və Yankovskinin sıralarımızdan köçdüyünə təəccüb edirdim. Mənə elə gəlirdi ki, onlar Tanrının sevimliləridirlər. Belə insanlar qəfildən dünyasını dəyişəndə sarsılırsan, amma gec-tez, bu həqiqətlə barışmalı olursan… Görünür, Tanrı üçün kimi aparmasının fərqi yoxdur.
- Ədəbiyyat sizə ədalətsizliklərlə
barışmaqda kömək olurmu?
-
Kömək edir... Çıxışlarım zamanı çoxları yanıma gəlib deyirdilər: «Elə dövrlər
olub ki, mən sizin kitablarınız vasitəsilə ovunmuşam». Həmçinin İosif Kobzon
Almaniyada xəstəxanada yatan zaman, onu ziyarətə gələn həyat yoldaşı da mənə
demişdi ki, sizin kitablarla ovunuram, onlar mənə kömək edir. Mənim də sevimli
yazıçılarım var və böhrandan çıxmaq üçün onların kitabları mənə kömək olur. - Viktoriya Samoylova, siz yaxınlarda
yubileyinizi qeyd edibsiniz… Maraqlıdır,
özünüzə nə arzulayardınız?
-
Arzu edərdim ki, necə yaşayıramsa, elə də davam edim. Ahıl yaşlarında bundan
yaxşı nə ola bilər? Heç nə... Həyat, hiss etmədən keçir – həmişə çoxlu iş-güc
var, tələsirsən, zaman çatmır, qaçırsan – heç nəyi görmürsən… Mənim yaşım isə
seyrə dalmaq və göstəriş yaşıdır. Utancaqlıq olur, ona görə ki, dəhşətdir. Hərdən
oturub fikirləşirəm: bəlkə zəng edib üzr istəmək lazımdır, bəlkə də lazım
deyil…- Kitablarınızın dünyası qadınlara və
kişilərə bölünüb. Yəqin ki, yazıçıları da beləcə ayırmaq olar? Bəziləri puldan
ötrü yazır və hansısa «layihəni həyata keçirirlər», başqaları yaradıcılıq vasitəsilə
metofizik problemlərini həll etməyə çalışırlar…
- Məhz
kimlər üçünsə pulun özü metofizikadır. Mən başqa cür düşünürəm. Hər cür
yaradıcılıq - rəssamın və ya yazıçının – bu informasiyanın ötürülməsi
instinktidir. Budur, qadın instinkti nəsil artırmaqdır. Ona görə də, bütün
qadınlar doğmağa can atırlar. İnstinkt insanları nəsilləri qorumağa çağırır.
Ona görə də valideynlər uşaqlarını sevir və onları böyütməyə çalışırlar.
Yaradıcı insanlar üçün isə bu instinkt məlumatı ötürməkdir. Madam ki, instinkt
çox qüdrətlidir, o zaman yaradıcı insanlar oturub yazırlar. Lev Tolstoy o qədər
yazıb ki. Bu ki, öz yanında qrafomaniyadır. Axı, normalda insan bu qədər yaza
bilməz.- Sorokin bu yaxınlarda söyləyib ki,
yazmamağı da bacarmaq lazımdır, ona görə ki, ədəbiyyat narkomanı ola bilərsən.
-
«Yazmamağı bacarmaq» - bu ki, talantlı frazadır. Bəlkə də Sorokinin beynində
yeni ideyaları yoxdur. O, yazmaya da bilər. Amma mütəmadi olaraq hər gün yazan
Yuri Naqibin adlı bir yazıçı da var. O, yazmaq istəməyəndə və yaxud mənəvi
böhran keçirdiyi zamanlarda «Lallıq» hekayəsini yazıb. Ona görə ki, istənilən
situasiyanı yaradıcılığa çevirmək mümkündür.- Siz düşünürsünüz ki, məhəbbətsiz də
yaşamaq olar və bu, normaldır...
-
Siz kişiləri nəzərdə tutursunuz? Məhəbbət məhəbbətliliyində qalır, amma təbiətin
əsas məqsədi çoxalmadır. Və bu məqamda əlbəttə ki, məhəbbət təbiətin əsas tələsidir.
Ona görə ki, həyat dayanmasın, öz axarı ilə davam etsin. Nə zaman ki, qadının
reproduksiya müddəti başa çatır, o vaxt təbiət qadına əl yelləyir. Siz müşahidə
edibsinizmi, ki, qoca qadınlar hərəsi özünəməxsus çirkindirlər. Ona görə ki, təbiət
artıq onlara arxa çevirib. Necə istəyirsiniz, elə də məhəbbətsiz yaşayın. Əsas
odur ki, sən artıq dünyaya uşaq gətirmirsən və təbiətə borcun qalmayıb… Amma
insanın bəxti müxtəlif cür ola bilər. Misal üçün Bunin deyirdi ki, böyük məhəbbət
heç vaxt nikahla bitmir. Ona görə ki, bu vaxt ehtiraslar çox güclü olur və belə
məhəbbət həmişəyaşar olmur. Məsələn, Voynoviç deyir ki, əvvəlcədən düşünülmüş
nikah daha çox həmişəyaşar olur, nəinki məhəbbət əsasında kəsilmiş nikah. Ona
görə ki, məhəbbət keçib gedir, düşünülmüş nikah isə yox. - Bu, ağıllı mühakimədir, amma kədərlidir!
- Həyata
maraq olarsa, məhəbbət gözəldir. Bura təbiətlə dostluq etmək, təbiətə,
heyvanlara məhəbbət daxildir. Bura təkcə, kişinin qarşısında alçalmaq daxil
deyil.Rusiya mətbuatından tərcümə etdi
Təranə Məhərrəmova