• cümə axşamı, 28 mart, 18:22
  • Baku Bakı 13°C

Neft hasilatının sutkada 10 milyon barrel azaldılması bazarda sabitliyin yaranması üçün kifayət deyil

04.04.20 14:45 612
Neft hasilatının sutkada 10 milyon barrel azaldılması bazarda sabitliyin yaranması üçün kifayət deyil
Neft istehsalının gündəlik 10 milyon barrel azaldılması bazarda sabitliyin yaranması üçün kifayət deyil.
AZƏRTACxəbər verir ki, bu sözləri Beynəlxalq Enerji Agentliyinin (IEA) icraçı direktoru Fatih Birol deyib.
"Əgər sutkalıq 10 milyon barrel hasilat məhdudiyyəti mümkün olarsa, bu, yalnız yaxşı başlanğıc ola bilər və vaxta qənaət etməyə kömək edə bilər. Lakin rəqəmlərə görə, ehtiyyatlarda gündəlik 15 milyon barrel artım görürük. Buna görə də hasilat daha çox azaldılmalıdır”, - deyə o bildirib.
F.Birol qeyd edib: "Bu porsesdə daha çox sayda ölkənin iştirakına ehtiyac var. Səudiyyə Ərəbistanı neft bazarına sabitlik gətirən bir ölkə olaraq G20-nin sədri kimi bütün istehsalçıları və istehlakçıları bir araya toplaya bilər. İstehlakçı ölkələr strateji neft ehtiyatlarını doldurmalıdır. Mövcud vəziyyət təkcə "OPEC+” koalisiyasının deyil, hər kəsin töhfəsini tələb edir. Neft istehsal edən ölkələrin bazar ertəsi keçiriləcək görüşü qarşımızda duran böyük problemi həll etmək üçün yaxşı başlanğıc ola bilər”.
Xatırladaq ki, ABŞ Prezidenti Donald Tramp sosial media hesabında Səudiyyə Ərəbistanının Şahzadəsi Məhəmməd bin Salman Al Saudla müzakirələr apardığını, şahzadənin də Rusiya Prezidenti Vladimir Putinlə danışdığını və bu ölkələrin neft hasilatını gündəlik 10 milyon barrel azaldacağını yazıb.
Aprelin 6-da isə OPEC və qeyri-OPEC ölkələrinin nazirlərinin videokonfrans formatında görüşü keçiriləcək. Görüşdə qeyri-OPEC ölkələrinin nazirlərinin iştirakı və yeni "Əməkdaşlıq Bəyannaməsi”nin müzakirəsi nəzərdə tutulur.
banner

Oxşar Xəbərlər