Nə vaxtsa mənim də səmavi arzularım çin olacaq
Yolçuyev Varis Musa oğlu
Avrasiya Millətlər Assambleyası Ədəbiyyat Şurasının həmsədridir. Azərbaycan və
Rusiya Yazıçılar Birliklərinin, həmçinin Beynəlxalq Yazıçılar İttifaqı
"Internasional Writers Union”-un üzvüdür. III Beynəlxalq festivallar festivalı
"LiFFt”-2018-in qızıl laureatıdır. 2018-ci ildə "Rosiyskiy kolokol” jurnalına
əsasən ilin yazıçısı olub.
– Varis müəllim, icazə verin ötən il iki önəmli beynəlxalq ədəbiyyat müsabiqələrində qalib olduğunuza görə sizi təbrik edim. Bu qalibiyyətlərinizə və məşhur "Ruskiy kolokol” jurnalının sizi 2018-ci ilin yazıçısı elan etməsinə görə hamımız sizinlə – ədəbiyyat və mədəniyyətimizin təmsilçisiylə fəxr edirik. Düşünürəm ki, oxuculara, xüsusən də, gənc yazıçılarla sizin uğurunuzun formulu çox maraqlı olar. Lap əvvəldən başlayaq: siz ilk vaxtlardan ədəbiyyatı seçdiniz, filoloji təhsil aldınız. Bəs gənclik illərinizdə daha çox oxumaqla məşğul olurdunuz, yoxsa yazmaqla?
– Oxuyurdum. Evimizdə böyük kitabxana vardı. Mən həmişə bütün o kitabları oxuyub bitirməyə tələsmişəm.
Yeri gəlmişkən, mənim öz hekayəçilik tərzim var. Bu, bədii ədəbiyyatla jurnalistikanın sintezidir. Oxucu çox maraqlı bir süjet xətti olan romanı oxuyur və bununla yanaşı, bir sıra fakt və informasiyanı da əldə edir. Əbəs yerə Maksim Qorki adına Ədəbiyyat İnstitutunda əsərlərimdən biri doktorluq dissertasiyası mövzusu olmayıb ki.
Söhbətləşdi: Marina Mürsəlova
Tərcümə etdi: Xanım Aydın
BMT-nin Təhsil, Elm və
Mədəniyyət məsələləri üzrə Təşkilatının təsis etdiyi Adam Mitskeviç medalı,
Varşavada Slavyan ədəbiyyatı festivalı (2017) laureatı, Moskva Beynəlxalq
Ədəbiyyat mükafatının laureatı (2016) və Azərbaycanın "Qızıl kəlmə” müsabiqəsinin laureatı (2011) olub.
Varis Yolçuyev ötən il Soçidə
keçirilən və Avrasiyadan 170 yazıçının qatıldığı III Beynəlxalq festivallar
festivalı "LiFFt”-2018-in qızıl laureatı olub. "Rosiyskiy kolokol” jurnalı
yazıçımızı ilin yazıçısı elan edib. Həmin il Böyük Britaniya Yazıçılar
Birliyinin (APİA) Beynəlxalq London mükafatının sonuncu lonq-listinə
düşərək ilin yazıçısı elan olunub.
– Varis müəllim, icazə verin ötən il iki önəmli beynəlxalq ədəbiyyat müsabiqələrində qalib olduğunuza görə sizi təbrik edim. Bu qalibiyyətlərinizə və məşhur "Ruskiy kolokol” jurnalının sizi 2018-ci ilin yazıçısı elan etməsinə görə hamımız sizinlə – ədəbiyyat və mədəniyyətimizin təmsilçisiylə fəxr edirik. Düşünürəm ki, oxuculara, xüsusən də, gənc yazıçılarla sizin uğurunuzun formulu çox maraqlı olar. Lap əvvəldən başlayaq: siz ilk vaxtlardan ədəbiyyatı seçdiniz, filoloji təhsil aldınız. Bəs gənclik illərinizdə daha çox oxumaqla məşğul olurdunuz, yoxsa yazmaqla?
– Oxuyurdum. Evimizdə böyük kitabxana vardı. Mən həmişə bütün o kitabları oxuyub bitirməyə tələsmişəm.
– Hansı tip ədəbiyyatı daha çox oxuyurdunuz?
– Atamın məsləhət gördüyü
kitabları oxuyurdum. Əvvəl uşaq ədəbiyyatından başlamışam. Həmin qəhrəmanları
indiyə qədər xatırlayıram: Tom Soyer, Heklberri Finn, Körpə və Karlson. Sonradansa yüngül ədəbiyyatdan
mürəkkəb ədəbiyyata keçdim. Gənclik illərimdə Viktor Hüqonun "Paris Notr-Dam
kilsəsi” və "Səfillər”, Selencerin "Çovdarlıqda uçurumdan qoruyan”, İsa
Məlikzadənin "Küçələrə su səpmişəm” və əlbəttə ki, ilk dəfə aşiq olan
zamanlarda Anarın "Beşmərtəbəli evin
altıncı mərtəbəsi” əsərləri mənə xüsusilə təsir etmişdi. – Sizin ilk yazdığınız və ilk dəfə dərc olunan əsəriniz hansıdır?
– İlk əsərimi beş yaşımda yazmışam. Şeir, yoxsa hekayə olduğunu dəqiq xatırlamıram. Onu çap
hərflriylə yazmışdım, qıraqlarına da şəkillər çəkib bəzəmişdim. Adını "Həyətdə
oğlan” qoymuşdum. İlk dəfə hekayələrim dərc olunub. Onlar müəllimim Xalq
yazıçısı İsmayıl Şıxlının çox xoşuna gəlmişdi. İsmayıl müəllim hekayələrimə
resenziya yazaraq "Ulduz” jurnalında
dərc etmişdi. Bu, hardasa 1990-cı illərin əvvəllərində olmuşdu. Birinci kitabımsa 2008-ci ildə ölkə üçün rekord sayılan bir tirajda – 10 min
nüsxə çap edilmişdi. Bu, dərhal mənə şöhrət gətirən "Sonuncu ölən
ümidlərdir” adlı sevgi romanı idi. O, altı dəfə nəşr olunub. Bakı Kitab klubu
onu Azərbaycanda ən çox satılan kitab elan etdi. Hələ bundan əlavə 10 minlərlə
pirat nüsxələri da vardı. – Müsabiqələrə əsərlərinizi özünüz təqdim edirdiniz?
– Bəzən özüm, bəzən isə mənim
Rusiyadakı redaktorum, bəzən də çalışdığım Avropa Prodüser Mərkəzi özü təqdim edirdi.– Sizin ədəbi qovluğunuzda neçə əsər var?
– 12 çap olunmuş roman,
onlarla hekayə, esselər. Hələ nə qədər də yarımçıq yazılarım var. – Soçi, Moskva, Londondakı mükafat təqdimatlarında iştirak
etmişdiniz?
– Moskvada mənə Moskva
Ədəbiyyat mükafatını təqdim etmişdilər. Həmin müsabiqədə Boris Akuntin və
Mixail Zadornov da iştirak edirdilər. Soçidəsə III Beynəlxalq festivallar
festivalı "LiFFt”-2018-in qızıl medalını təqdim etmişdilər. Qeyd edim ki, həmin
mükafatı ondan öncəki il Oljas Süleymanov almışdı. London mükafatı isə hələ
gələn il təqdim olunacaq. Məni Den Braun
və Vudi Allen kimi məşhurlarla bir sırada sonuncu lonq-listə daxil
ediblər. – Sizinçün ədəbiyyat hobbidir, sevimli məşğuliyyətdir, yoxsa ki onda
özünüzün hansısa missiyanızın olduğunu görürsünüz?
– Ədəbiyyat mənim özüm, mənim varlığımdır. Hər
bir insan dünyaya hər hansı bir missiyanı yerinə yetirmək üçün doğulur. Bir
çoxları üçün bu, işləməkdən, uşaq böyütməkdən ibarətdir. Amma tək-bir adamlar
üçünsə dünyanı yaxşıya doğru dəyişməkdir. Nə vaxtsa mənim də səmavi arzularım
çin olacaq. Mən buna inanıram. – Sizi ilin yazıçısı elan edən "Rossiyskiy kolokol” jurnalına
verdiyiniz müsahibədə demisiniz ki, ədəbiyyatla gündə 25 saat məşğul olursunuz.
İş prinsipiniz necədir?
– Adətən, prozanı əvvəlcə
"beynimdə” yazıram. Bəli, məhz belə. Bu gecə-gündüz davam edir. Bəzən hətta bir il də çəkir. Bütün obrazlar
tam məlum olandan, süjet təsdiqini tapandan, heç bir qaranlıq bir nüans
qalmayandan sonra nöqtəmi qoyur və mətni kağıza köçürməyə başlayıram. Mən bax
belə yazıram. – Adi iş gününüzü bizə təsvir edə bilərsiniz?
– Onlar bir-birinə
bənzəmirlər. Gah qəhrəmanlarımın arxasınca ön cəbhəyə yollanıram, gah Praqaya,
İstanbula uçuram, gah da ki ciddi rejimli cəzaçəkmə müəssisəsində oluram. Təsəvvür edin ki, növbəti romanımı yazmaqdan
ötrü mən alpinistlərlə birlikdə dağların başına qalxmağa belə hazıram. – İdmanla aranız necədir?
– Sevirəm. Gənclik illərimdə Respublika yüngül atletika
çempionatında qalib olmuşam, "Dəri top”
ümumittifaq futbol turnirinin yarımfinalında oynamışam, eyni vaxtda
dünya çempionu Harri Kasparovla heç-heçə hesabıyla şahmat oynamışam. Elə indi
də həvəslə futbol oynayır, trenajor zalına gedirəm. – Borxes deyirdi ki, gələcək hekayənin o üzündədir. Siz bu fikirlə
razısımızmı?
– Əlbəttə. Hekayələri çox
sevirəm. Bu yaxınlardan hekayələrimdən biri "Sarı dəftərin əhvalatı” hekayəmsə
çox böyük rezonans doğurub. Bilirsinizmi indi roman janrı daha üstünlük təşkil
edir. Hətta yeni yazmağa başlayan prozaiklər də roman yazırlar. Hekayə sanki bir
az kölgədə qalıb. Lakin bir şeyi yadda saxlamaq lazımdır: Roman hekayənin
mürəkkəb formasıdır. O, sanki mərtəbələri hekayələr olan bir binanın damıdır.
Dama göydən düşmək yaxşı üsul deyil...– Heç qərəzli tənqidçilərlə üzləşmisiniz? Onların iradlarına necə
reaksiya verirsiniz?
– Tənqid ədəbiyyat eşelonunun
lokomotividir. Sayı çox az olan peşəkar tənqidçilər ədəbiyyat adına zəhmət
çəkirlər. Mən çox fəxr edirəm ki, ölkəmizin Nizami Cəfərov, Nizaməddin
Şəmsizadə, Vaqif Yusifli kimi nüfuzlu tənqidçiləri mənim yaradıcılığımı yüksək
qiymətləndiriblər. – Məhsuldar yazmağınız üçün sizə hansı şərait lazımdır?
– Sakit, rahat bir künc, dinc
"daxili mühit”.– Sizin personajlarınız əhatəmizdə olan adamlardır, hamısı da canlıdır.
Sizcə, əcnəbilərə onlar niyə belə maraqlı olub?
– Əslində, mənim qəhrəmanlarım
adi insanlardır. Harada çap olunmağımdan asılı olmayaraq – istər Amerikada,
istər Rusiya, Türkiyə, lap elə Özbəkistanda
çap olunmağımdan asılı olmayaraq, yerli oxucular onlarda özlərini görə
bilirlər. Bilirsinizmi, mənə hərdən elə gəlir ki, baş qəhrəmanlarım Xeyir və
Şər, Kədər və Sevinc, Xoşbəxtlik və Bədbəxtlik, Sevgi və Nifrətdir. Onları da
hər yerdə tanıyırlar. Bundan başqa mən
dramlar və trillerlər də yazıram. Mənim əsərlərimdə hazırda çox yerdə
çatışmayan sentimentalizm qabarıq şəkildə özünü büruzə verir. Mənəviyyatsa indi
sanki sürgündədir. İnsanlar oxuyur, bəzən də göz yaşlarıyla ürəklərini soyutmaq üçün ağlayır. Bundan
başqa, onu da deyim ki, mənim əsərlərimdə aforizmlər, müdrik kəlamlar, fikirlər
geniş yer alır. Oxuyanda mütləq nəysə yaddaşda qalır. – Siz necə düşünürsünüz, "yazıçı rəqabəti” deyilən bir anlayış varmı?
– Əlbəttə ki, var! Hətta mən
buna rəqabət yox, döyüş, müharibə deyərdim. Tiraj, oxucu, reqaliya uğrunda
döyüş.– Xarakterinizdəki üç başlıca keyfiyyəti deyin.
– Mən maksimalistəm: Ya hər
şeyə sahib olmalıyam, ya da heç nəyə. Mən məqsədyönlüyəm: Məni yolumdan heç nə
edə bilməz. Mən optimistəm: müvəffəqiyyətisə ancaq optimistlər qazanır. Uğur
məhz onlara tərəf gəlir!– Sizcə, ədəbiyyat dahilərinin söylədikləri əhvalatlar, hekayələr
yaradıcılığa ilhamlandıra bilərmi?
– Əlbəttə ki, bilər. Nəinki
yaradıcıdılığa ilhamlandıra, hətta gedişatları belə dəyişə bilər. İndisə
ədəbiyyat yenə də zirvədədir. Xalid Hüseynin romanından sonra bəşəriyyətin
əfqan müharibəsinə münasibəti dəyişdi. Cənubi afrikalı yazıçı Con Maksvellinin
romanından sonra bəzi mənəvi dəyərlər çox aktuallaşdı. Seneqallı yazıçı Varis
Diriyenin romanından sonrasa feministlər, qadın zorakılığını dayandırmaqdan
ötrü, demək olar ki, bütün bəşəriyyəti
ayağa qaldırdırlar. – Ədəbiyyatda kimə pərəstiş edirsiniz?
– İndi bir neçə nəfərə maraq
göstərirəm. Onlar bizim çağdaşlarımızdı, sağdırlar və oxucularını, sözün əsl
mənasında, möcüzəvi əsərlərilə oxucularını sevindirirlər. Buna misal olaraq,
Haruki Murakamini, Milan Kunderanı və Orxan Pamuku göstərə bilərəm. – Sizi yeni bir süjetə nə ilhamlandıra bilər?
– Bəzən kiminsə taleyi, bəzən
hər hansısa bir hadisə, olay. Bəzən isə bir misralıq adi bir informasiya...– Hansı janra üstünlük verirsiniz? Nə vaxtsa qələminizi fantastika
janrında sınamısınızmı?
– Heç vaxt sınamamışam, heç
sınamaq fikrim də yoxdur. Mən xəyanəti sevmirəm. Mənim fikrimcə, yazıçı
müxtəlif janrlara ancaq yaradıcılığının ilkin dövrlərində öz janrını,
ədəbiyyatdakı yerini müəyyənləşdirməkdən ötrü müraciət edə bilər. Mən dram və
triller janrında tanındım, məşhurlaşdım.
Burda isə müxtəlif manyovrlar etmək olar: məsələn, psixoloji dram və melodram,
sentimental və ya hətta macəra trilleri də yazmaq olar. Yeri gəlmişkən, mənim öz hekayəçilik tərzim var. Bu, bədii ədəbiyyatla jurnalistikanın sintezidir. Oxucu çox maraqlı bir süjet xətti olan romanı oxuyur və bununla yanaşı, bir sıra fakt və informasiyanı da əldə edir. Əbəs yerə Maksim Qorki adına Ədəbiyyat İnstitutunda əsərlərimdən biri doktorluq dissertasiyası mövzusu olmayıb ki.
– Necə düşünürsünüz, gənclər arasında ədəbiyyatın təbliğ olunmasına
ehtiyat var?
– Çox böyük ehtiyac var!
Üçüncü minillikdə internet, mobil telefonlar və s. həm mədəniyyəti, həm də
ədəbiyyatı məhvə sürükləyir. Daima xarabazarlıqdan mənəvi dəyərlərimizi dartıb
çıxarmalı oluruq. – Hamı bir ağızdan kitabların tezliklə unudulacağını deyir: İnsanlar
daha çox internetə bağlanıb. O cümlədən də, oxucular. Siz çap olunmuş nəşrlərə
üstünlük verirsiniz, yoxsa ki rəqəmsal?
– İnternet insanın
sürət əsrinə inteqrasiyasıdır. Onun əhəmiyyəti çox böyükdür. Lakin hər
şey internet deyil. Bəzən internet lap narkotik kimi olur. Özünü tamamilə
internetə həsr etmək lazım deyil. O ki qaldı kitab və qəzetlərə, mən çap
olunmuşlara üstünlük verirəm. Kağızın qoxusu kitablara sevgi oyadır. – Kimin şərəfinə adınızı Varis qoyublar?
– Atam deyirdi ki, mən dahi
Azərbaycan yazıçılarının varisi olacam. Ona görə də mənə bu adı qoyub. – Müsahibələrinizdən birində səyahəti çox sevdiyinizi qeyd etmisiniz.
İndiyə kimi neçə ölkədə olmusunuz, onlardan hansı birində qalmaq istərdiniz və
nəyə görə?
– Hələlik 18 ölkədə olmuşam.
Bunun çox az olduğunu bilirəm. Amma bütün arzularımızı gerçəkləşdirməkdən ötrü
zamanımız yetmir. Mən İstanbulu çox
sevirəm, orada olanda özümü tarixin bir parçası hesab edirəm. Parisi çoxlu
gəzməli-görməli yerləri olduğuna görə sevirəm.
Odessa və Soçini rahatlığına və sakitliyinə görə sevirəm. Madrid və Praqanı da çox sevirəm. Bu
iki şəhəri açıq səma altında muzey adlandırmaq olar. – Ailənizdə bircə siz yaradıcılıqla məşğul olursunuz?
– Mənim adam öz zamanında
məşhur ədəbiyyatşünas olub. MƏn sanki onun davamçısıyam. Oğlanlarım ədəbiyyatla
maraqlanmırlar, mən onları mütaliəyə məcbur edə bilmirəm. Amma yeddi yaşlı
qızım yavaş-yavaş mütaliə etməyə öyrəşir. Həvəslə hekayələr oxuyur, bəzən
də mənim kitablarıma da keçir. – Siz ictimai fəaliyyət, xeyriyyəçiliklə də məşğul olursunuz?
– Əlbəttə. Mən qeyri-hökumət
təşkilatları Milli forumunun "Maraqlı insanlar klubu” layihəsinin rəhbəriyəm.
Bütün ölkə üzrə istedadlı insanları axtarırıq. Azərbaycan Yazıçılar Birliyinin
qəbul komissiyasının üzvüyəm. Ən istedadlı yazıçıları üzə çıxarırıq. Avrasiya
Millətlər Assambleyası Ədəbiyyat Şurasının həmsədriyəm. Biz beş milyarddan çox
əhalisi olan nəhəng Avrasiya məkanında böyük ədəbi layihələr edirik! O ki qaldı
xeyriyyəçiliyə, mən mütəmadi olaraq müxtəlif xeyriyyə aksiyalarında iştirak
edir, internatları, əllilər, uşaqlar və qocalar evini ziyarət edirəm. – Oxucularıma, gənc müəlliflərə nə arzu etmək istərdiniz?
– Mənim hər kəsə bir arzum var
– qoy bütün arzular çin olsun!Söhbətləşdi: Marina Mürsəlova
Tərcümə etdi: Xanım Aydın