Narkotiklərin qanunsuz dövriyyəsi ilə məşğul olan şəxs tutulub

Bakıda Pirallahı sakini narkotiklə saxlanılıb.
Daxili İşlər Nazirliyinin mətbuat xidmətindənKaspi.az-a verilən xəbərə görə, Rayon Polis Şöbəsi əməkdaşlarının keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən E.Səfərov saxlanılıb.
Şəxsi axtarış zamanı ondan heroin və marixuana aşkar edilib.
Davam etdirilən tədbirlərlə onun həyətyanı sahəsindən kultivasiya yolu ilə yetişdirdiyi 11 ədəd çətənə kolu götürülüb.