AZƏRBAYCANDA KORONAVIRUSLA BAĞLI XƏBƏRLƏR

Mühafizəçi ixtisası üzrə qısamüddətli təlimlər keçiriləcək

Mühafizəçi ixtisası üzrə qısamüddətli təlimlər keçiriləcək

Təfsilat
13 Oktyabr 2021, 17:15 87
Peşə Təhsili üzrə Dövlət Agentliyinin dəstəyi ilə Turizm və Sosial Xidmətlər üzrə Bakı Dövlət Peşə Təhsil Mərkəzində mühafizəçi ixtisası üzrə qısamüddətli təlimlər keçiriləcək.

Agentlikdən Kaspi.az-a bildirilib ki, təlimdə iştirak etmək üçün ərizələrin qəbulu oktyabrın 25-dək aparılacaq. Təlimlərə ölkəmizin 20 yaşdan yuxarı vətəndaşları müraciət edə bilər. Müraciət edən şəxslərin minimum orta təhsilli və hərbi xidmət keçmiş olması zəruridir (qadınlar və qanuni əsaslarla müddətli həqiqi hərbi xidmətə çağırışdan möhlət hüququ olanlar və azad edilənlər istisna olmaqla). Təlim iştirakçılarına bir ay ərzində qanunvericilik, tibbi, psixoloji, xüsusi və texniki hazırlıq, yanğınsöndürmənin əsasları üzrə intensiv dərslər keçiləcək.

Turizm və Sosial Xidmətlər üzrə Bakı Dövlət Peşə Təhsil Mərkəzinin nəzdində yerləşən Bakı Mühafizə Məktəbində təşkil ediləcək təlimləri uğurla bitirən şəxslərə dövlət nümunəli sertifikat veriləcək.

Ünvan: Bakı şəhəri Xətai rayonu, Məshəti küçəsi 3 (Ukrayna dairəsinin yaxınlığı, "Pluton" şadlıq sarayının arxasındakı bina). Əlaqə telefonu: (012) 374-17-16. Email: [email protected]