Millət vəkili Naqif Həmzəyev seçiciləri ilə görüşüb - Fotolar
Millət vəkili Naqif Həmzəyev YAP Gəncə şəhər təşkilatı
Qərərgahında seçiciləri ilə görüşüb.
Həmişə olduğu
kimi bu dəfə də millət vəkili hər bir seçicini fərdi qaydada qəbul edib, ona
unvanlanan müraciət və təklifləri təmkinlə, qayğı ilə dinləyib. Müraciətlər əsasən
sosial yönümlü məsələlərdən ibarət olub. Gənclərin
məşğulluğu, sosial və tibbi yardımlarla bağlı müraciətlər nəzarətə
götürülüb, operativ şəkildə araşdırılaraq, qanunvericiliyə uyğun həll edilməsi
üçün aidiyyatı qrumlarla əlaqə yaradılıb. Əksər
məsələlər yerindəcə həllini tapıb.
Millət vəkili
Naqif Həmzəyev ona ünvanlanan hər bir müraciəti
nəzarətdə saxlayacağını və məsələlərin həllinə köməklik göstərəcəyini bildirib.
Eyni zamanda
görüşdə seçicilər Prezident cənab İlham Əliyevin ölkə vətəndaşlarına daim
xüsusi diqqət və qayğısı nəticəsində bir çox sosial yonümlü problemlərin həllini
tapdığını vurğulayıb, ölkə Prezidentinə təşəkkür edib, hər zaman dövlət
Başçısının apardığı siyasəti dəstəklədiklərini bildiriblər.