Masallıda futbol ictimaiyyəti müzakirə apardı
Yeni yaradılan Azərbaycan Futbol İctimaiyyətinin Azad Həmkarlar
İttifaqının nümayəndələri regionlarda görüşlərini davam etdirirlər.
Kaspi.az xəbər verir ki, növbəti belə görüş Masallı rayonunda futbol ictimaiyyətinin nümayəndələri ilə keçirilib. Görüşdə Azərbaycan Futbol İctimaiyyətinin Azad Həmkarlar İttifaqının sədri Nazim Süleymanov, veteran futbolçular Səmədağa Şıxlarov, Samir Ələkbərov və Masallının futbol ictimaiyyətinin nümayəndələri iştirak ediblər.
Nazim Süleymanovun verdiyi məlumata görə, Masallının futbol ictimaiyyətinə təşkilatın yaranma səbəbləri, məqsəd və məramı, gələcək fəaliyyəti ilə bağlı məlumat verilib: "Heç kimə sirr deyil ki, Azərbaycan futbolunda Masallının öz izi, dəsti-xətti var. Bu rayonun "Viləş” komandası futbolumuza xeyli istedadlı oyunçular bəxş edib. Çox təəssüf ki, "Viləş” fəaliyyətini dayandırdı. Ancaq o komandanın uğurlarında pay sahibi olan veteranları futbol sahəsindən silmək olmaz. Onların təcrübəsi, dünya görüşü yeni futbolçu nəslinin yetişdirilməsi üçün olduqca vacib amildir. Həmin şəxslərlə görüşdə təşkilatın fəaliyyətini necə gördükləri ilə bağlı müzakirələr apardıq. Onların təkliflərini dinlədik”.
Kaspi.az xəbər verir ki, növbəti belə görüş Masallı rayonunda futbol ictimaiyyətinin nümayəndələri ilə keçirilib. Görüşdə Azərbaycan Futbol İctimaiyyətinin Azad Həmkarlar İttifaqının sədri Nazim Süleymanov, veteran futbolçular Səmədağa Şıxlarov, Samir Ələkbərov və Masallının futbol ictimaiyyətinin nümayəndələri iştirak ediblər.
Nazim Süleymanovun verdiyi məlumata görə, Masallının futbol ictimaiyyətinə təşkilatın yaranma səbəbləri, məqsəd və məramı, gələcək fəaliyyəti ilə bağlı məlumat verilib: "Heç kimə sirr deyil ki, Azərbaycan futbolunda Masallının öz izi, dəsti-xətti var. Bu rayonun "Viləş” komandası futbolumuza xeyli istedadlı oyunçular bəxş edib. Çox təəssüf ki, "Viləş” fəaliyyətini dayandırdı. Ancaq o komandanın uğurlarında pay sahibi olan veteranları futbol sahəsindən silmək olmaz. Onların təcrübəsi, dünya görüşü yeni futbolçu nəslinin yetişdirilməsi üçün olduqca vacib amildir. Həmin şəxslərlə görüşdə təşkilatın fəaliyyətini necə gördükləri ilə bağlı müzakirələr apardıq. Onların təkliflərini dinlədik”.
Süleymanov bildirdi ki, belə veteranların potensialından istifadə
etməliyik: "Çox təəssüf ki, bu gün həmin şəxslər futbol təsərrüfatından uzaq
salınıblar. Hər hansı bir təşkilat da olmayıb ki, bu insanlar orda təmsil
olunub sözlərini deyə bilsinlər, təkliflərini səsləndirsinlər. Bir sözlə,
futbolumuzun inkişafı naminə bilik və bacarıqlarını sərf etsinlər. Masallıda çox səmərəli görüşümüz oldu. Futbol
ictimaiyyətinin nümayəndələri həm təşkilatın gələcək fəaliyyəti ilə bağlı
fikirlərini bildirdilər, həm də ümumilikdə Azərbaycan futbolunun durumu ilə bağlı
müzakirələr apardılar, təkliflərini səsləndirdilər”.
Süleymanov bildirdi ki, belə görüşlər davamlı olacaq. Qeyd edək
ki, Azərbaycan Futbol İctimaiyyətinin
Azad Həmkarlar İttifaqının nümayəndələrinin ilk görüşü Gəncədə baş tutmuşdu.