Maraq göstərən çoxdur, baha satmaq istəyirlər
"Tottenhem”
stadionunun adını rekord məbləğə sata bilər.
Kaspi.az
xəbər verir ki, stadionun adını almağa elektron mallar istehsalçısı "Amazon”
şirkəti maraq göstərir. Məlumata görə, artıq şirkət əməkdaşları klub rəhbərliyi
ilə danışıqlar aparıblar.
Amma o
da bildirilir ki, stadionun adına digər məşhur kompaniyalar da maraq göstərirlər.
Məsələn, "Nike” da ad uğrunda mübarizəyə qoşulmaq niyyətindədir.
Bu fürsətdən
yararlanmaq istəyən klub rəhbərliyi rekord məbləğdə müqavilə bağlamaq istəyirlər.
Məlumata görə, klub prezidenti Daniel Levi stadionun adı üçün mövsüm ərzində 29
milyon avroluq müqavilə bağlamağı planlaşdırır. Müqavilə 10 illik nəzərdə
tutulur.
Məlumata
görə, bu şərti "Amazon” qəbul etməyə hazırdır. Şirkətlə "Tottenhem” arsında
ilkin əməkdaşlıq da olub. Bu mövsüm klubla bağlı müşətərək sənədli film çəkilib.