• cümə axşamı, 28 mart, 15:04
  • Baku Bakı 16°C

Maliyyə Nazirliyi işsizlərə birdəfəlik ödənişlər üçün ilk tranşı köçürüb

09.04.20 17:20 709
Maliyyə Nazirliyi işsizlərə birdəfəlik ödənişlər üçün ilk tranşı köçürüb
Koronavirus pandemiyasının ölkə iqtisadiyyatına, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı Azərbaycan Respublikasının Prezidenti İlham Əliyevin 19 mart 2020-ci il tarixli Sərəncamına uyğun olaraq Nazirlər Kabinetinin 4 aprel 2020-ci il tarixli qərarı ilə təsdiqlənən Tədbirlər Planının icrasını təmin etmək məqsədilə bu gün Maliyyə Nazirliyinin Dövlət Xəzinədarlığı Agentliyi tərəfindən işsiz kimi qeydiyyata alınan şəxslərə birdəfəlik ödəmənin verilməsi üçün 38 mln. manat həcmində ilk maliyyələşmə tranşı həyata keçirilib.
"APA-Economics” bu barədə Maliyə Nazirliyinə istinadən xəbər verir.
Həmin vəsait işsiz və işdən azad olunmuş şəxslərin məşğulluğu və sosial müdafiəsi üçün Əmək və Əhalinin Sosial Müdafiəsi Nazirliyinin Dövlət Məşğulluq Xidməti orqanlarında işsiz kimi qeydiyyata alınan 200 min şəxsə yaşayış minimumu həcmində (190 manat) ödəniləcək.
banner

Oxşar Xəbərlər