Makron himn biabırçılığına görə üzr istədi
Fransa
prezidenti Emmanuel Makron Albaniyanın baş naziri Edi Ramedən üzr istəyib.
Kaspi.az xəbər
verir ki, Makron Avropa çempionatının seçmə mərhələsində keçirilən
Fransa-Albaniya qarşılaşmasından əvvəl yaşanan himn qalmaqalına görə üzr istəyib.
Fransada keçirilən qarşılaşmada Albaniyanın yox, Andorranın himni səsləndirilib.
Bundan sonra
Albaniya yığmasının futbolçuları oynamaqdan imtina ediblər. Onlar ölkələrinin
himni çalınmayana qədər meydana çıxmayacaqlarını bildiriblər.
Maraqlıdır ki,
stadionun diktoru insidentə görə üzr istəyib. Amma üzrü Albaniyadan yox, Ermənistandan
istəyib.